Li bajarê Parîs, Montpellier, Rennes, Freiburg, Kassel, Munster, Nûrnberg, Alborg, Vîyana, Tîrol, Den Haag, Zurich, Koln, Bruksel û gelek bajarên Ewropa bi deh hezaran kurd daketin kolanên Ewropa û êrîşa TSK'ê ya di 20'e Çile de li dijî Efrînê dest pê kir û 8 rojin didome şermezar kir. 

 

PARÎS

 

Bi hezaran kesên li Bajarê Parîsê yê Firansayê kom bûn, êrîş û hewldana TSK-OSO ya li dijî Efrînê şermezar kirin. Çalakî saet di 15.00’an de li pêşiya Gare de L’Estê dest pê kir. Pişti girse kom bû dest bi meşê kirin û heta qada Rebûplîqûeyê meşiyan û tev li mîtînga vir bûn. Di mîtîngê de siyasetmedarê Kurd Cûma Tak , nûnerê PYD’ê yê Fransayê û nûnerê MLKP’ê axivîn. Di axaftinan de hate diyarkirin ku Rûsya, Îran û hêzên emperyalîst ji van êrîşan berpirsyar in.

 

MONTPELLIER

 

Li bajarê Montpeillerê yê Fransayê Kurdistaniyan li qada Comedîeyê jî bi hezaran kes kom bûn û mîtîngek li dar xistin. Di çalakiyê de Hevserokê Navenda Civakî ya Kurd a Demokratîk Cevat Guneş axivî û got, “Çawa ku DAÎŞ li Kobanê têk çû, ew ê Erdogan jî li Efrînê têk biçe.”

 

RENNES

 

Li bajarê Rennesê yê Fransayê bi hezaran kes kom bûn û êrîşên TSK'ê ya li dijî Efrînê şermezar kirin. Kurdistanî û dostên wan ên li Rennes û derdora wê dijîn ji bo êrîşên TSK'ê şermezar bikin daketin qadan. Girse li Qada Rebûplîqûeyê kom bûn û mîtîngek li dar xistin. Di axaftinan de hate diyarkirin ku ew ê Tirkiye bi van polîtîkayên xwe bi ser nekeve.

 

FREÎBÛRG

 

Li bajarê Freîbûrgê yê Elmanyayê bi sedan kes êrîşa li dijî Efrînê bi meşekê şermezar kir. Girseyê alayên YPG û YPJ’ê hildan û ji ber şaredariyê heta navenda bajêr meşiyan. Bi sedan kes beşdarî çalakiyê bûn û bi xwendina sirûdan çalakî bi dawî bû.

 

 KASSEL

 

Li bajarê Kasselê yê Elmanyayê Kurdistanî ji bo protestokirina êrîşên Tirkiye ya li dijî Efrînê daketin qadan. Çalakî saet di 14.30’an de li pêşiya postexaneya navendî ya Kasselê dest pê kir. Girse heta Frîedrîchpltazê meşiyan. Di axaftinan de hate diyarkirin ku bila dewleta Tirk êrîşên xwe yên li ser Efrînê bide sekinandin.

 

MUNSTER

 

Li bajarê Munsterê yê Elmanyayê jî çalakiyeke protestoyê hate lidarxistin. Meş li pêşiya Munster HBF’ê dest pê kir û heta pêşiya Sefarexaneya Tirkiyeyê dom kir. Nezî hezar kesî beşdarî çalakiyê bû.

 

MANNHEÎM

 

Li Elmanya Manhheîmê êrîşa Tirkiye ya li ser Efrînê hate şermezarkirin. Girseya ku civiyayî li Mannheîm Abendakedemiyê civiyan û piştî axafitnan ber bi Alte Feuerwache ve meşiya. Çalakî bi dirûşmên ‘Bê Serok jiyan nabe’, ‘Şehîd namirin’ û ‘dîktator Erdogan bi dawî bû.

 

NÛRNBERG

 

Li Nûrnbergê ya Elmanya Kurdistanî li Hallplatzê civiyan û êrîşa li ser Efrînê şermezar kirin. Di çalakiya meşê de gelek sazî û dezgên Kurdistanî, Elman û Tirk amade bûn. Girse piştî ku qederekê li nav bajêr meşiya vegeriya Halplatzê. Li vir jî mîtîngek hate kirin.

 

AALBORG

 

Li Aalborg a Danîmarkaye Kurdistanî li Meydana Tolboodê civiyan û bi meşekê erîşa Tirkiye ya li ser Efrînê bi dirûşmên dijî bêdengiya Ewropa şermezar dikin, meşiyan.

 

TÎROL

 

Li Tîrolê ya Avûstûryayê Kurdistaniyan êrîşa li dijî Efrînê şermezar kirin û gotin, ‘Terorîst Erdogan’, ‘Bijî Berxwedana Efrînê’, ‘Bijî Serok Apo’.

 

DEN HAAG

 

 

Li Den Haagê ya Hollanda Kurdistanî li ber Dîwana Edelatê ya Laheyê hatin cem hev û siyasetmedarê Kurd Faysal Sariyildiz got di her şertî de ew ê parastina Efrînê were kirin.

 

VIYANA

 

Li Viyanayê, paytexta Avûstûryayê jî Kurdistanî êrîşa li ser Efrînê şermezar kirin, ji ber navenda Navenda Civaka Kurd a Demokratîk dest bi meşê kirin û derdorên sosyalîst jî li ber Operayê hatin cem hev. Piştî axaftinên ku hatin kirin girse ber bi Sefaretaneya Tirk ve meşiya û nêzî sefaretaneya Tirk dauyaniyeke çapemeniyê da.

 

KOPENHAG

 

Kurdistaniyên li Kopenhagê jî êrîş ali ser Efrînê şermezar kirin. Kurdistanî hatin ber maseya Amnesty Înternatîonal û piştre li stesyona navendî çalakiya bêîtîatiya sivîl kirin.

 

ZURÎH

 

Li Zûrîhê ya Swîsreyê jî Kurdistaniyan êrîşa dewleta Tirk a dagirker a li ser Efrînê bi meş û mîtîngekê şermezar kirin. Piştî çalakiyê girse hate stesyona navendî ya trênê û çalakiya bêîtîatiya sivîl kirin.