NAVENDA NÛÇEYAN - Eksperê leşkerî yê Rûsî Vladîmîr Yevseyev di cîvîna "Operasyona Tirkiyeyê ya li dijî Efrînê: Şerê ji bo hola bandorê" de, encamên operasyona TSK'ê ya li diji Efrînê nirxand û diyar kir ku TSK li sînorê Efrînê asê maye.
Cîgirê Rêvebirê Enstîtûya Welatên Hevalbendîya Dewletên Serbixwe û Eksperê leşkerî yê Rûsî Vladîmîr Yevseyev di civîna meseya girover a "Operasyona Tirkiyeyê ya li dijî Efrînê: Şerê ji bo hola bandorê" de encamên operasyona TSK'ê ya li dijî Efrînê nirxand û destnîşan kir ku ev operasyona herî xerab a nimûneyên operasyonên leşkerî ye.
'ÇEKDARÊN OSO NE XWEDÎ QEBÎLIYETA ŞER IN'
Yevseyev, diyar kir ku diyar bû ku operasyon baş nehatîye amadekirin û çekdarên Artêşa Sûrîyeya Azad jî ne xwedî qabîlîyeta şer in û wiha got: "Diviya bû jimara leşkerên tirk û çekdarên Artêşa Sûrîyeya Azad gereke herî kêm bi du car nîvan ji jimara şervanên kurd zêdetir baya.
'ARTÊŞA TIRK ASÊ MAYE'
Yevseyev, dîyar kir ku di ser Operasyonê re hefteyek derbaz bû û wiha got: "Diyar bû ku artêşa tirk nikare pêş ve biçe û asê ma. Tiştê tê kirin, yan teqlîda operasyonê ye yan jî tirk nizanin operasyonê pêk bînin. Di wê rewşê de ne ku nikarin derbasî nav Efrînê bibin. Lê nikarin dorpêç jî bikin. Artêşa tirk nîşan da, ku ji qabîlîyeta şer dûr in."