Xizm û malbatên girtiyan li avahiya Partiya Demokratîk a Gelan (HDP) a Hezexê kom bûn û li dijî ferzkirina cilên yek tîp fikrên xwe anîn ziman. Malbatan li dijî ferzkirina cilên yek tîp ku bi KHK'ê li ser girtiyan hat ferzkirin, nirxandin kirin û pêşniyarên xwe parve kirin. Parlamentera HDP'ê ya Şirnexê Aycan Îrmez jî tev li civînê bû. Di civînê de sînevîzyona berxwedana girtiyên siyasî ya serdema darbeya 12'ê Îlonê hat pêşandan. Piştî sînevîzyonê Parlamentera HDP’ê Aycan Îrmez, bertekên xwe yên li dijî Operasyona li dijî Efrinê anî ziman. Îrmez, anî ziman ku gel li Efrînê xwe dî derdikeve û wiha got: "Şerê Îro li dijî Efrînê li dijî hemû Kurdistanê ye." 

 

DILÊ CIVAKÊ DI GIRTÎGEHÊ DE YE 

 

Îrmez, helwesta AKP’ê ya ku manaka Guantanamo dabû jî rexne kir û wiha got: "AKP dixwaze li Tirkiye girtigehên wekî yên Guantanamo ava bikin. Ev yek neyê qebûlkirin. Girtiyên azadiyê di 14'ê tîrmehê de di ber xwe dan. Cilên yek tîp qebû nekirin. Girtî niha jî cilên yek tîp qebûl nakin û dê di ber xwe bidin. Armaca cilên yek tîp ewe ku mirovên yek tîp ava bikin. Ev qet nayê qebûlkirin. Dilê civakê girtî ye. Pêşengên civakê girtî ye. Ji ber vê yekê dixwazin vê pêkanînê li girtîgehan bidin detpêkirin." 

 

 

Piştî axaftina Îrmez malbatan li ser cilên yek tîp fikr û pêşniyarên xwe parve kirin.