Bertekên raya giştî li dijî operasyona Efrînê dewam dike. Endama Rêveberiya Navendî ya Egîtîm Senê Ebru Yîgît, diyar kir ku bi şoreşa Rojava re, hemû polîtîkayên AKP'ê yên li herêmê rûxiya ne, li Rojhilata Navîn de jî tengasiyeke mezin dikişîne.

 

‘AKP GELEKÎ TENGIJÎ YE’

 

Yîgît, destnîşan kir ku AKP'ê bi têkiliya DAIŞ'ê re, di lîçoqê de asê maye û ev tişt got: "Piştî DAIŞ'ê li Rojhilata Navîn derba mezin xwar, planên AKP'ê xira bûn. Tabloya 7'ê Hezîranê ya di siyaseta navxweyî de, rejîma AKP'ê gelekî tengijand. Di rewşa îro de OHAL têra AKP'ê nekir, bi MHP'ê re hevkarî da destpêkirin û bi vê hevkariya qirêj re dixwaze welat ji lîçoqa Rojhilata Navîn derxe. Ji ber wê tevgera dagirkeriyê li dijî Efrînê da destpêkirin. Ev tenê ji bo dengên nijadperest ên li welat bigire, kir."

 

Yîgît aşkera kir ku bi dagirkirina Efrînê re, dixwaze şoreşa Rojava bifetisîne.

 

‘WEKÎ NAVÊ OPERASYONÊ DÊ DAWIYA AKP'Ê JÎ ÎRONÎK BE’

 

Yîgît anî ziman ku navê "Tevgera Çiqla Zeytûnê" ya li opersyonê kirine wekî "îronîk" nirxand, got ku ev hişmendiya dewletê ya 90 salî ye û wiha pê de çû: "Mêtingerî kêngê pêngava dagirkeriyê bide destpêkirin, henekê xwe bi nirxên gerdûnî yên civakê dike. Ji bo komkujiya 19'ê Kanûnê jî navê 'operasyona vegera jiyanê' danîn. Gelek mînakên wekî vê hene. Di demeke ew qas pêwîstiya Rojhilata Navîn û cîhanê bi aştiyê heye, navê tevgera dagirkeriyê 'Çiqla Zeytûnê' lêkirin, henekê xwe bi gel kirin e. Dê ev nêzikatiya îronîk, ji bo AKP'ê jî bibe îroniya dawî."

 

'OPERASYON NE JI BO WELAT, JO BO AKP'Ê YE’

 

Hevserokê Hejmar 1 a Egîtîm Sena Amedê Abbas Şahîn jî da zanîn ku operasyona li dijî Efrînê ne ji bo parastina welat, ji bo ewlehiya desthilatdariyê ye û ev tişt anî ziman: "Ewlehiya welat tenê bi demokrasiyê dikare bê, bi bombekirina şûnwarên sivîlan nayê. Di dîrokê de jî piştrast bû ku desthilatdariyên ku şer hilbijartibin, di dawiyê de winda kirine. Bi rêya çapemeniyê rastî berovajîkirin, dê emrê xwe nikaribin dirêj bikin. Dema hêdî hêdî cenaze ji herêmê bên û mirov ji vê êşê bikişînin, dê dest bi lêpirsînê bikin."