KIBRIS – Piştî ku Serokê Giştî yê AKP’ê Erdogan rojnameya bi navê Afrîka ku li Kibirisê hedef nîşan da, komek nijadperest êrîşî buroya rojnameyê kir. Nijadperestan li hundirê avahiya rojnameyê xesar pêk anî.
Piştî êrîşên li dijî Efrînê rojnameya bi navê Afrîka ya li Kibrisê weşana xwe dike manşeta “Ji Tirkiyeyê hareketek din a dagirkirinê” derketibû. Piştî rojname vê manşetê serewîs kir, Serokê Giştî yê AKP’ê û Serokomar Recep Tayîp Erdogan rojnameyê hedef nîşan da û gef lê xwarin. Vê sibê komek nijadperest li hev kom bûn û êrîş birin ser buroya rojnameya Afrîka. Polîsan mudaxeleyî nijadperestan nekir û nijadperestan buroya rojnameyê talan kir.
Her çiqas polîsan du êrîşkarên pêşengî ji komê re kir û êrîş birin ser buroyê binçav kir jî wan serdest berdan.
Piştî koma nijadperest êrîşî rojnameyê kir, vê carê jî berê xwe da ber Meclîsa KKTC’ê û bi sloganên nijadperest li hev kom bûn. Nijadperest derketin ser avahiya Meclîsê û li vir jî nijdaperestiya xwe domandin.
Serokomar Erdogan ê duh li Bursayê axivî di daxuyaniya xwe de rojnameya Afrîka kiribû hedefa xwe.