ENQERE – Serokê Giştî yê AKP’ê Erdogan di 13’ê çile de gef li Efrînê xwar û gotibû “Heta hefteyekê em ê belav bikin.” Piştî vê daxuyaniya Erdogan hin rojnameyên tetikêşiyê dikin, Efrînê kirin hedef.
Piştî îktîdara AKP’ê Efrînê bi daxuyaniyên xwe kir hedef, çapemeniyê hawiz a Tirkiyeyê jî piştgiriyek tam da AKP’ê û Serokê Giştî yê AKP’ê Erdogan. Hemû gotinên Serokomar wekî şanşet derxistin pêş. Bi zimanekî gefxwarî nûçeyan der barê Efrînê de belav kirin.
Hefteyeke hin rojname û malperên nûçeyan ên tirk feraseta dagirkirina Efrînê têdigihîne. Piştî ku Erdogan di 13’ê çile de Efrînê kir hedefa xwe, gelek rojnameyên Tirkiyeyê jî bi awayek hevkar bi manşetên “Heta hefteyekê dê ji hev belav bibe” serewîs kirin. Heman rojname û malperan piştî hefteyekê çerx kir û niha jî li ser hevdîtinên li gel Amerîka û Rûsya bi sernavên “Gerên Erêkirinê” dinivîsînin û nûçeyan serwîs dikin.
BI ROJANE EW ‘SAETÊN DAWÎ’ YÊN ŞAFAK'Ê NEHATINE
Rojnameya Yenî Şafakê di 14’ê çile de gotinên “Heta hefteyekê: Em ê çawa ji hev belav bikin dê bibînin” ên Erdogan kir manşeta rojnameyê. Di nav rûpela rojanmeyê de bi sernavê “Leşkerên DYA’yê ji Minbicê reviyan” nûçeya xwe werimand. Heman rojnameyê di 15’ê çile de jî bi sernivîsa “Dora Efrînê ye” nûçe belav kir. Yenî Şafakê rojek şûn ve ango di 16’ê çile de dîsa gotinên Erdogan kir manşeta xwe û wiha nivîsand: “Em ê pergala we belav bikin, piştî Efrînê dora rojhilatê Firatê ye.” Vê rojnameya ku ji AKP’ê bêtir gef li Efrînê dixwe di 17’ê çile de jî manşeta “Êdî saetên dawî ne” nivîsand. Lê balkêş e ku hêj ew saetên Yenî Şafakê nehatine.
Yenî Şafakê duh jî diyar kir ku dê Efrîn di 3 saetan de bê desteserkirin û sernavê “3 Saetên din Efrîn” kir manşet. Rojnameyê îro jî bi manşeta “Tugay amade ne” derket.
SIBE-ÊVAR HEMAN DEREW
Bi rojane Rojnameya Sabah a ku berdevkiya hikumeta AKP’ê dike jî bi nûçeyên werimandî Efrînê dike hedef. Sabah a ku bi rojane çi manşetên nivîsand jî wek wê derneket, îro jî bi manşeta “Serê DYA’yê tevlî hev e” derket.
Rojnameya Starê jî di 16’ê çile de ji devê Erdogan bi gotinên “Ala xwe bi me nedin daxistin” manşeta xwe çêkir. Starê îro jî bi peyamekê li dijî DYA’yê bi manşeta “Hemin wisa ye, çekan kom bike” derket.
Bi rojane rojnameya Akşamê jî berdevkiya Serfermandarê Giştî Hulîsî Akar dike û fermana êrîşa li dijî Efrînê dide. Qey mirov dibêje Rojnameya Akşamê dê operasyonek muhtemel birêve bibe.
Ev rojnameyên tetikêş bi rojane amadekariyên der barê operasyona li dijî Efrînê nûçeyan diweşînin. Çapemeniya nivîskî ya tirk piştî hefteyekê ye ku operasyon bi dest nexistin, îro jî bal dikişînin ser hevdîtinên Tirkiyeyê yên li gel DYA û Rûsya û bi sernav û manşetên mîna “Gerên Dawî” û “Serdanên Êrêkirinê” li ser rojnameyan dinivîsinin.
ROJNAMEYA GUNEŞÊ KU DIÇÛ ‘BELAVKIRINÊ’ MIJAR JI BÎRA KIR
Rojnameya Guneş ku li ser hev manşetên wek “Heta hefteyekê em ê belav bikin”, “Belkî sibê jî nêz be”, “Hişyariya dawî ji bo DYA, rabin me mecbûr nekin”, “Dest bi kolandina goran kirin” nivîsand, îro neçar ma ku Efrînê ji rojeva xwe derbixe. Rojnameya Guneşê di şûna van sernavan de îro manşetek der barê CHP’ê de nivîsand û serwîs kir.