13'emîn danişîna "Doza KCK'ê ya Çepemeniyê" ya ku 46 rojnamegerên kurd tên darizandin, li 13'emîn Dadgeha Cezayê Giran a Çaglayana Stenbolê hat dîtin. Di dozê de kesên girtî tunene, ji derveyê Huseyîn Denîz û Çagdaş Ulus kes tev li dozê nebû. Danişîna dozê bi tespîtên nasnameyan dest pê kir, li ser daxwazên berê yên di vê der barê de, xwestin zabidên danişîn û îdianameyên ku Midurê Şaxa TEM'ê Yurt Atayun der barê operasyonên KCK'ê de amade kirine, pêşkêşî dadgehê bikin. 

 

'XWESTIN PARÊZER JI SALONÊ DERXIN'

 

Piştî beyanên Denîz û Ulus, parêzer Gulîzar Tuncer mafê axaftinê girt, bertek nîşanê daxwaza hemû beyanên der barê dosyayan de tên xwestin da û ev tişt got: "Bi armanca bi hevakirinê tevgerîn çênabe. Di binê vê de tiştek di heye. Ji xwe hûn hemû dosyayan bi pergala UYAP'ê dibînin. Berhevkirina lêpirsîn û rêvebirinê derveyê hiqûqê dibînim."

 

Li ser vê serokê dadgehê axaftina Tuncer qut kir û got ku "Parastineke wiha tune."

 

Li ser bersiva Tuncel a "Hûn nikarin axaftina min qut bikin", serokê dadgehê bersiva "Ez ê we derxim derve. We men bikim." da. Li dijî van gotinên serokê dadgehê Tuncel ev bersiv da: "Hûn kê men dikin. Ji xwe we menkirina ji danişînê kiriye edet."

 

Bi gotinên serokê dadgehê ên wekî "Xanima parêzer derxin derve" re, Tuncer got ku "Ez we şermezar dikim. Darizandineke wiha nabe. Ev êrîşa li dijî parastinê ye" û salona dadgehê terikand.

 

Parêzer Ozcan Kiliç jî xwest qedexeya derketina derve ya li rojnamegeran bê rakirin.

 

Heyeta dadgehê navber da dozê û doz taloqî 27'ê Nîsanê kir.