12 akademîsyenên ku aştî xwestin û îmzeya xwe avêtin bin danezana aştiyê û gotin ku "Em ê nebin hevkarê vî sûcî", bi îdiaya "Propagandaya rêxistinê kirine" doz li wan hat vekirin. Doza akademîsyenan li 35'emîn Dadgeha Cezayê Giran a Stenbolê dewan dike û akademîsyen bi parêzerên xwe re amade bûn. Gelek akademîsyen, parêzer û Hevberdevkê HDK'ê Onur Hamzaoglu jî danişîna dozê şopandin.

 

Destpêkê doza Doç. Dr. Ayşe Zeynep Akalin Ozdemîr a ji Zanîngeha Teknîkê ya Stenbolê hat dîtin. Ozdemîr jî di dozê de amade bû, parêzerê wê xwest doz bi hev ve bibin yek û ji Wezareta Edaletê destûr xwest. Lê heyeta dadgehê ev daxwaz red kir. 

 

Ozdemîr mafê parastinê gir û ev tişt got: "Ez wek civaknasekê difikirim ku prensîba bingehîn a ku civakan bi hev ve girêdide, divê esas bê girtin. Ez vê wekî peywirekê dibînim. Danezana aştiyê di naveroka xwe de banga şidet û cudakariyê nake û tu sûcê wê jî tune. Beyî ku ez di bin zexta tu kesî de bimînim, min ev îmze kir. Hêviya min a herî mezin ew e, hemû welatiyên vê axê di nava aştî û demokrasiyê de bi hev re bijîn."

 

Piştî parêzer mafê demê xwest, heyeta dadgehê doz taloqê 28'ê Hezîranê kir.

 

Doz bi danişîna doza akademîseyna Zanîngeha Teknîkê ya Stenbolê Nergîs Perçînel dewam kir

 

‘MIN NEXWEST EZ JI MIRINAN RE ŞAHIDIYÊ BIKIM’

 

Perçînel diyar kir ku di wê pêvajoyê de li Başûr Rojhilatê welat şer dest pê kiriye û ev tişt got: "Der barê bûyeran de gelek wêne û nûçeyan di medyaya civakî de cih girt. Şerê min di roman û çîrokan de xwedibû, li pêşberî min bû. Ji her tiştî rastîn dihat dîtin, dil şewatî bû. Ciwanekî wê demê mala wî û kuçeya wî hatibû rûxandin, tiştek gotibû û hêş di hişê min de ye. Digot ku 'Ez bikaribûna razama, sibehê her tişt biqede. Ez gelek tiştan dixwazim?' Min ev îmze ji bo kes nemire û ji mirinan re şahidiyê nekim min avêt. Mafê jiyanê mafê herî bingehîn e. Ez sûcdariyên der barê xwe de qebûl nakim."

 

Danişîna Doza Perçînel bi parastina parêzer dewam dike.