MÊRDÎN - Li wargeha KYK'ê ya kuran a Mêrdînê şert û mercên jiyanê gelek zehmet in. Ji destşoyên wargehê herî diherike û di odeyên de mişk digerin.
Li wargeha KYK'ê ya xwendekarên kur a Mêrdînê dîmênên sosret derketin holê. Xwendekar di nav şert û mercên zehmet de dijîn û gelek caran ji bo çareserkirina pirsgirîkan serî li Miduriyeta Wargehê dan, lê tu encam bi dest nexistin. Şert û mercên wargehê her roj xirabtir dibin. Xwendekaran bi rêya dîmenan tiştên li wargehê derketine holê ji raya giştî re parve kirin.
DI ODEYAN DE MIŞK DIGERIN
Dîmenên ku xwendekaran şandine, ji destşokên wargehê ava herî diherike û ev yek ji pirsgirîkên xwendekar ya sereke ye. Ji ber qirêjiya wargehê gelek e, xwendekar bi nexweşiyên cidî re rû bi rû ne. Her wiha ji ber qirêjiya di odeyên wargehê de mişkên lexemê di odeyan de digerin.
Xwendekaran diyar kir ku xwarinên li wargehê jî buhayên wan zêde kirine û di mitbaxê de ji bo çêkirina xwarinê zarokan didin xebatindin. Xwendekar ev yekê jî bi wêneyan dan nîşan.
BI SAETAN LI BENDA WESAYITÊ DIMÎNIN
Bêguman pirsgirêkên xwendekaran bi van sînor nîne, ji bo xwendekar biçin zanîngehê bi saetan li benda wesatiyên şaredariyê dimînin. Xwendekaran aşkera kir ku ew bi saetan li benda wesatiyan dimînin, lê rojên konferansên AKP'ê wesayitên şaredariyê tên amadekirin. Ji ber ku gelek caran wesayît dereng tên, xwendekar ji dibistanê dereng dimînin. Her wiha xwendekar gelek caran bi meşê diçin wargehê û tên, lê heriya di rêya wargehê de jî pirsgirêkên xwendekaran zêde dike.
Xwendekar nerazîbûn nîşanî van pirsgirêkan dan û xwestin demildest pirsgirîkên wargehê bên çareserkirin.