AMED - Nûçegîhanê DÎHA’yê Nedîm Turfent ên ji ber parvekirinên medyaya civakî bi îdiaya “endamtiya rêxistinê” 8 sal û 9 meh cezayê girtîgehê lê hat birîn, ji Girtîgeha Tîpa T a Wanê nameyek şand. Turfent di nameye de ev tişt gotin: “Bêguman em jî dikaribûn bibin rojnamevanên ‘bi hinan ve hatine vekirin’ û bi bêperwatiyeke ‘biteqîne dikêşim’. Lê Sibê sibê divê mirov karibe li ruyê gel binere. Me xwest ji bo wê rojê ruyê em hebe. Ev ji bo me tercîh û cihê rûmetê ye, divêtiyeke wijdanê me ye.”
Nûçegîhanê DÎHA'yê (a bi KHK'ê hat girtin) Nedîm Turfent ê hat binçavkirin û paşê hat girtin, piştî 19 mehên girtinê şûnde parvekirinên wî yên medyaya civakî hincet hatin nîşandan û ji aliyê Dadgeha Cezayê Giran a 2'yan a Colemêrgê ve bi îdiaya "Endamtiya rêxistinê" 8 sal û 9 meh cezayê girtîgehê lê hatibû birîn. Turfent ji Girtîgeha Tîpa T a Wanê nameyek şand. Turfent di nameyê de destnîşan kir ku biryara ku heyeta dadgehê daye li gor ruhê pêvajoyê ye û wiha got: "Bi vî awayî careke din çanda bêcezatiyê pesend kirin."
Nameya Turfent ev e:
"Dema me li bajarê qedexekirî karê xwe dikir, di her gavê de em bi şûrê erkê re rû bi rû diman. Heta carinan ev şûr di me yekî/ê de radibû! her ku me tevgerên dihatin înkarkirin, tune dihatin hesibandin û di tariyê de diman ronî dikir, em dibûn hedef. Di pêvajoyeke ku wek guleyan giran de belkî yê herî kêm dar dîtin em bûn. Li ber çavê hemû raya gştî hewl dan bûyereke duyem a Metîn Goktepe pêk bînin! Lê ev hemû piştî 'Hûnê hêza tirko bibînin' pêk hatin. Bi saya bertekên raya giştî 'Plana A'yê têk , lê îro 'Plana B'yê sepandin. Bi kurt û kurmancî ev ceza berdewamiya karê ku nîvco mabû bû. Mirov dikare ji hêleke din jî lê binere; piştî vê nûçeya meşhûr hem Wezareta Karên Hundurîn hem jî Walîtiya Colemêrgê der barê karmendê ev yek kir bi awayekî fiîlî lêpirsîn da destpêkirin. Lê encam jî tam li gor ruhê pêvajoyê çê bû. Yê sûc kir 'zarokê baş', lê li yê derxist holê ceza hat birîn! Careke din çanda cezayî pesend kirin. Peyama 'îcraat ji we paqijkirin ji me' hat dayîn."
Turfent balê kişand ser 20 "şahidên" li hizûra dadgehê îfade dan û gotinên wan ên ku di bin îşkenceyê de ew îfade dane. Turfent bi lêv kir ku piştî dîtin tu tiştek di dest wan de name vê carê berê xwe dan parvekirinên nûçeyan. Turfent destnîşan kir ku tu hêleke huqûqî ya vî cezayî tune ye û ew bawer dikin ku dê ji aliyê dadgehên bilind ve bê xerakirin. Turfent diyar kir ku kesên li derveyî repertuara erkê dimînin tên cezakirin, lê belê dema wan dest bi vê pîşeyê kiriye wan biryar daye ku ew ê derdên moriyekê jî vebêjin û nîşan bidin. Turfent ev tişt gotin: "Em ê tu carî ji heqîqetê bi paş ve gav neavêjin. Lewra her ku em pêl denklanşorê dikin, em bi çavên Ceylan Onkolê re rû bi rû dimînin. Em ê terka wê ronahiyê nekin. Wê ew heqîqet pênûsa me şîr bide."
Turfent ev tişt gotin: "“Bêguman em jî dikaribûn bibin rojnamevanên ‘bi hinan ve hatine vekirin’ û bi bêperwatiyeke ‘biteqîne dikêşim’. Lê Sibê sibê divê mirov karibe li ruyê gel binere. Me xwest ji bo wê rojê ruyê em hebe. Ev ji bo me tercîh û cihê rûmetê ye, divêtiyeke wijdanê me ye.”