Serdozgeriya Komarê ya Enqereyê, bi hinceta di pirtûka xwe ya şanoyî ya bi navê “Sorgulên Şevê” de behsa komkujiya Roboskiyê kiriye, di Îlona 2015’an de der barê Mehmet Alî Yaşayê girtî de bi îdiaya “Propagandaya rêxistinê kiriye” lêpirsîn dabû destpêkirin. Dadgeha Cezayê Giran a 2’yemîn a Enqereyê, bi tawanbariya “Propagandaya rêxistinê” 3 sal ceza li Mehmet Alî Yaşayê cezayê muebetê lê hatiye birîn û di Girtîgeha Tîpa T a Jimare 2’yan a Şakrana Îzmîrê de ye birî. Her wiha dadgehê ji ber pirtûka Yaşa çap kiriye 33 hezar lîre cezayê pereyî jî li xwediyê Weşanxaneya Sîtavê Qahir Bateyî Ozturun birî. 

 

Qahir Bateyî destnîşan kir ku ev pirtûk pêşî di komisyona xwendinê ya girtîgehê re derbas bûye û paşê gihaştiye ber destê wî û wiha got: “Her tişt bi awayekî fermî gihaşt ber destê me.” Bateyî vî cezayê pereyî wek derhuqûqiyê pênase kir û ji Ajansa Mezopotamya (MA) re ev tişt gotin: “Ji ber me pirtûkeke ku bi pesendkirina îdareya girtîgehê derket derve çap kir, 33 hezar lîre cezayê pereyî li me hat birîn. Ji bo ceza jî tê gotin ku me heqaret li Serfermandariya Giştî kiriye. Wisa difikirim ku dema pirtûk ji bo dadgehê hatiye wergerkirin, xelat hatiye wergerkirin. Yanî heke ceza bê birîn jî, divê li weşanxaneyê neyê birîn. Du sal e me îtirazî biryarê kiriye. Em vê derhuqûqiyê qebûl nakin.” 

 

Nivîskarê pirtûkê Mehmet Alî Yaşa jî têkildarî mijarê nameyek şand û balê kişand ser dîroka biryarê 27’ê Kanûna 2017’an û wiha got: “Dadgeha Cezayê Giran a 2’yemîn a Enqereyê di salvegera komkujiya Roboskiyê de ev biryar da. Dem watedar e.” 

 

Nivîskar di pirtûka xwe ya Sorgulên Şevê de bi awayekî şanoyî û hestiyar Komkujiya Roboskiyê vedibêje û balê dikêşe ser avaniya sosyolojik a Roboskiyê. 30 sal cezayê muebetê li Yaşa hatiye birîn û 24 sal in girtiye. Niha di Girtîgeha Şakranê ya Îzmîrê de ye.

 

MA / Selman Guzelyuz