*Şêniyên gundê Darê îdia kirin ku ji bo di çîmentoyê de bên bikaranîn gorên wan hatine kolandin. Gundiyan xwest ocaxa qûmê bê girtin û wiha gotin: "Dixwazin serdema JÎTEM'ê bi me bidin jiyandin. Li kuderê dinyayê hatiye dîtin ku gor hatine rakirin û birin." Keyayê gund jî got ku qeymeqam nexwestiye ev tişt di raya giştî de bê berbelavkirin û rê li ber girtiye. 

 

*Berdevka Platforma A Hediye Gunduz, bertek nîşanî projeya Şaredariya Bajarê Mezin a Antalyayê da û da zanîn ku şaredarî dixwaze li peravên Konyaalti talanê pêk bîne û ev tişt got: "Şaredarî dixwaze bi rantxuran pere bide qezenc kirin. Dê herêm di binê betonê de tune bibe. Dê hem xwezayê û hem jî tûrîzmê tune bikin." 

 

*Asiye Ozluk, diyar kir ku birayê wê Ugur Ozluk nexweşê şîzofrenî ye û 5 mehin bi tena serê xwe li Girtîgeha tîpa H a Eskîşehîrê di yek hucreyê de tê girtin. Ozluk, anî ziman ku gardiyanan êrîşî birayê wê kiriye û 2 caran hewl daye întîhar bike. 

 

*Li Bazara Sîpahî ku berhemên bi destkariyê hatine çêkirin lê tên firotin, ji 50'î dikanan 25 jê hatin girtin û ji 60 seyarfiroşan jî 58 jê fatureya herî giran a şer didin.  

 

*Pirtûka helbestvan erd.agron bi navê “dîwana hestiyan” ji Weşanên Aryenê derket. Pirtûka “dîwana hestiyan” di helbesta kurdî de rengek nû xwe daye der. Helbestvan di helbestên xwe de li gel hemû zext, ceza û hewldanên çewisandinê jî behsa heyîna xwe dike û di helbesta xwe ya bi navê "aştî" de wiha dibêje: "(...) konek hat vegirtin/dîsa ji me re pir hat dîtin termên meû gelek hestiyên me hatin dizîn/gelo em ê çawa li hev werin?.."

 

*Welatiyên di ser 65 salan ên bê heq li wesayîtên gihaniya giştî siwar dibin, ji Otobêsên Gel ên Taybet nerazîne. Welatiyan diyar kir ku bi taybetî li extiyaran nasekinin û wan nagirin. 

 

* 2 akademîsyenên Zanîngeha Kadîr Has ên îmze avêtin danezana "Em nabin şirîke vî sûcî" dê li 36'emîn Dadgeha Cezayên Giran a Stenbolê derkevin pêşberi dadger. (09.00-10.00)

 

* Danişîna doza Rojnameger û Nûçegîhana DÎHA ya bi KHK'ê hat girtin Şerîfe Oruç dê li Edliyeya Êlihê bê dîtin. 

 

* 2'emîn danişîna doza kuştina zarokê 6 salî Fûrkan û birayê wî yê 7 salî Muhammed Yildirim ên polîs Omer Yegît ê bi maşîna zirxî di malê de kuştin û Amîrê wî Murat Maden dê li 2'emîn Dadgeha Cezayên Giran a Cizirê bê ditin. (10.00)

 

* Komîsyona xebat û jiyanê ya Komeleya Mafên Mirovan (ÎHD) a Stenbolê, dê îhlalên der barê mafê jiyanê de civîna çapemeniyê pêk bîne. (12.30)

 

* Çalakiya Kolana Yukselê ya "Em karê xwe paşve dixwazin dê di roja 429’an de berdewam bike. (13.30/18.00) 

 

* Danişîna doza Parlamenterê HDP'ê yê Colemêrgê Abdullah Zeydan li 5'emîn Dadgeha Cezayên Giran a Amedê bê dîtin. (13.45) 

 

 * Çalakiya malbatên Roboskî dê di hefteya 314’an de li ser goristana Roboskê berdewam bike. (16.00)