ŞIRNEX – Li Şirnexê di salek dawî de têkildarî kuştin û birîndarkirina zarokan a bi maşîneyên zirxî yên polîs û leşkeran heta niha tu encamek ji pêvajoya hiqûqî nerketiye. Di doza Yildirim ên birayê hev de polîsê bersûcê dozê serbest hat berdan û ser bûyerên zarokên din jî tê girtin.
Li Şirnexê polîsan gelek zarok û mezin bi maşîneyên zirxî birîndar kirin û kuştin. Heta niha têkildarî pêvajoyên hiqûqî yên bûyeran tu pêşketin pêk nehatiye. Di salek dawî de li Şirnexê Bunyamîn Bayram (6), Hakan Sarak (5), Furkan Yildirim (6) û birayê wî Muhammed Yildirim (7) jiyana xwe ji dest dan. Rûken Cansiri (8), Onur Ozalp (4) û Çîgdem Başak (10) a lingê wê di nav bariyerên polîsan de ma û bi giran birîndar bûn. Dermankirina zarokan li nexweşxaneyên cuda dewam dike. Heta roja îro serî li îfadeyên malbatan nehatine dayîn.
BERSÛC DI DANIŞÎNA EWIL DE HAT BERDAN
Di danişîna ewil a doza têkildarî Furkan Yildirim (6) û Muhammed Yildirim (7) ên birayên hev de di 17’ê cotmeha 2017’an de bersûcê girtî polîsê bi navê Omer Yigît hat berdan. Parêzer ji danîşna 11’ê çile bê dîtin bêhêvî ne.
DARAZ TEV NAGERE
Ji bilî Yildirim ên birayê hev di dozên zarokên din de jî ku bi maşîneyên zirxî hatin kuştin tu pêşketîn tune ye. Têkildarî hin bûyeran hêj lêpirsîn nehatiye destpêkirin. Lêpirsînên hatine destpêkirin jî venaguherîn dozê. Li gel hemû astengiyan bêyî daraz bikeve nav tevgerê, amirên mulkî bi malbatên van zarokan re têkiliyê datînin û dixwazin bi bedela hin teklîfan malbat ji dest ji gilîkirina xwe berdin.
ÎFADEYÊN MALBATAN HÊJ NEHATINE GIRTIN
Di 2’ê mijdara 2017’an de li taxa Sûrê ya Cizîrê maşîneya zirxî li Rûken Cansiri qelibî û birîndar bûbû. Li gel ku du meh bi ser bûyerê re derbas bû heta niha pêşketinek îdarî û hiqûqî pêk nehatiye. Apê Cansiri, Faysal Cansiri da zanîn ku derheqê bûyerê de îfadeyên wan hatine girtin lê ji bilî wê tu agahiyek nedane wan. Cansiri got ku polîs hêj li ser wezîfeya xwe ne û ew ê jî têkoşîna xwe ya hiqûqî bidomînin.
ZAROK DERMAN DIBIN LÊ LÊPIRSÎNEK JÎ VENEBÛYE
Di 30’ê mijdara 2017’an de li navçeya Silopî linge Çîgdem Başak di nav bariyerên polîsan de ma û bi giranî birîndar bû. Hat îdiakirin ku der barê birîndarbûna Başak de 2 polîs ji wezîfeyê hatine girtin. Başak hêj li Nexweşxaneya Zanîngeha Firatê ya Xarpêtê tê dermankirin. Der barê polîsên bûn sedema bûyerê de hêj tu îdianame nehatiye amadekirin. Birayê Başak, Kerem Başak destnîşan kir ku ev mehek û nîv e ji bo dermankirinê hewldanên wan dewam dikin û heta niha dozgeriyê ji wan tiştek nepirsiye. Başak anî ziman ku textikên çonga xwîşka wî qetiyane û li dijî vê yekê gilî kirine.
ONUR Ê 4 SALÎ TÊ DERMANKIRIN
Di 17’ê kanûna 2017’an de li Hezexê maşîneya zirxî ya polîsan li Onur Ozalp ê 4 salî qelibî û bi giran birîndar bû. Ozalp ji roja birîndar bûye heta nih li nexweşxaneyek Êlihê tê dermankirin. Bavê Ozalp, Nezîr Ozalp heta niha dozgeriyê têkildarî bûyerê tu agahî nedaye wan û heya wan jê tune ye ku ka lêpirsînek ango dozek destpê kiriye yan jî nekiriye.