ÎZMÎR - Li Girtîgeha Hejmar 2 a Tîpa T a Şakranê 12 girtiyên DHKP/C'î li dijî biryara "Cilên yek tîp" dest bi greva birçîbûnê ya 7 rojan dorveger kirin.
Li Girtîgeha Hejmar 2 a Tîpa T a Şakranê ya navçeya Alîagaya Îzmîrê, 12 girtiyên DHKP/C'î Fîkret Kara, Erdal Berk, Ozgur Zafer Gultekîn, Mustafa Koçak, Cengîz Kirlangiç, Coşkun Şîmşek, Semander Karakaya, Cengîz Ozel, Gokhan Atay, Mehmet Alî Aslan, Taylan Guntekîn û Ulaş Încî, li dijî ferzkirina "Cilên yek tîp" ji îro de dest bi greva birçîbûnê ya 7 rojan dorveger kirin.
Girtiyan bi rêya telefonê agahî dan malbatên xwe û wiha gotin: "Pêkanîna kincên yek tîpî sûcê mirovahiyê ye û dewlet bi vî awayî me tune dihesibîne. Ev ferz kirin, polîtîkayên 'bêşexsiyet' kirinê ne û em vê yekê qebûl nakin."