Yek jî girtîgehên ku herî zêde binpêkirinên mafan lê diqewimin, Girtîgteha Tîpa T a Tarsusa Mêrsînê ye. Serokê Komîsyona Şopandina Girtîgehan a Baroya Edeneyê Prz. Tugay Bek, da zanîn ku di demên dawî de cezayê dîsîplînê gelekî zêde bûne. Bek aşkera kir ku îdareya girtîgehê ji bo zextên li ser girtiyan zêde bike, cezayê dîsîplînê xistiye dewrê û ev tişt got: “Cezayê dîsîplînê yên li hikumxwaran birîne, pêşî li tahliyeya bi şertî digire. Girtî û hikumxwarên ku cezayê dîsîplînê girtine, bi mehan nahêlin malbatên xwe bibînin.”

 

'DEMIL DEST LÊPIRSÎN DAN DESTPÊKIRIN'

 

Bek da zanîn ku girtiyên ku pêlavên xwe dernaxin û di çûyîna hevdîtina parêzeran de bi rêza leşkerî de naçin, ev jî dibe sedema cezayê dîsîplînê û wiha axivî: “Ji ber ku girtiyekî got ku ‘Pêkanînên li vir ji pêkanînên Esat ên li Zindana Amedê ne kêmtirin’, îdareya girtîgehê der barê girtiyan de lêpirsîn da destpêkirin.”

 

Bek da zanîn ku “cilên yek tîp” ên bi KHK’a dawî xistin meryetê, dê girtî qebûl nekin, di vê der barê de daxwazname dane, ji ber daxwaznameyan cezayê dîsîplînê li wan birîne.

 

'MAFÊ DAXWAZNAMEYÊ TUNE'

 

Bek diyar kir ku li girtiyên hikumxwar jî lêpirsîn hatiye vekirin û wiha pê de çû: “Girtiyên ku di daxwaznameyan de gotine ku ‘Em van cilan naxwazin. Ev rûmeta mirova dişikêne û binpêkirina mafan e’, der barê wan de lêpirsîn vekirine. Divê ev wekî mafekî daxwaznameyê bê hesibandin. Wekî hemû welatiyan, mafê girtiyan jî heye ku daxwaznameyê bide.”

 

'PÊKANÎNEK DIJÎ MAFAN E'

 

Bek destnîşan kir ku li Girtîgeha Tîpa t a Tarsusê pêkanîna “Tev li hev bike, li hev bîne” di dewrê de ye, rêveberiya girtîgehê vê yekê bi zanebûn dike.

 

Bek da zanîn ku lêpirsîna dîsîplînê di qanûnê de heye, lê îdareya girtîgehê vê yekê bi niheqî dixe pratîkê û ev tişt got: “Rêveberiya girtîgehê li ser girtî û hikumxwaran terorê dimeşîne. Mehmet Akici îro divê bi şertî bê tahliyekirin, lê ji ber ku cezayê dîsîplînê lê birîne nayê tahliyekirin. Dîsa lêpirsînên dîsîplînê yên nû hatine vekirin. Dê Mehmet Akinci kêngê tahliye bibe ne diyar e.”

 

'GIRTIYÊ NEXWEŞ NAYÊ TAHLIYEKIRIN'

 

Bek aşkera kir ku cezayê dîsîplînê li dijî tahliyeyên bi şertî jî asteng in, girtiyekî ku rewşa wî ne baş e, divê înfaza wî bê paşve xistin û axaftina xwe wiha bi dawî kir: “Ev girtî nexweşê kronîk ê dil, di dilê wî de nexweşiyên cidî hene û di heman demê de troîta xirab a jehrî pêre heye. Mayîna wî ya li girtîgehê gelekî zehmet e. Em vê yekê wekî binpêkirina mafê jiyanê pênase bikin. Ruxmê vê jî di girtîgehê de tê girtin. Ev jî têrê nekiriye lêpirsîna dîsîplînê lê vekirine û tahliyeya wî asteng kirine. Divê lêpirsîna der barê Mehmet Akici de bê betalkirin û bi şertî bê tahliyekirin."

 

MA / Hamdullah Kesen