STENBOL - Parêzer Ercan Kanar, daxuyaniya Wezîrê Karên Hundir Suleyman Soylu ya fermana “piyan bişkînin" da polîsan rexne kir û wiha got: "Wezîr hişmendiya KHK'ê xist meriyetê û şênber kir. Kanar, anî ziman ku AKP ji bo hevkarên xwe yên sucdar efoya korsan anî.
Wezîrê Karên Hundir Suleyman Soylu di civîna têkoşîna li dijî tiryakê ya bi polîsan re pêk anî, ferman da polîsan ku piyên kesên tiryakê dikişînin bişkînin. Piştî vê daxuyaniyê gelek kesan li Soylu gilî kirin. Berdevkê Serokomar Îbrahim Kalin jî got "Ev ne axaftina ku derketiye dervê zagonê" Parêzer û hiqûqnas Ercan Kanar bertek nîşanî van daxuyaniyan dan û wiha got: "Wezîr Suleyman Soylu li gorî xala 214'an a TCK'ê sûc kiriye. Ger ku polîsên di bin fermana wezîr de vê fermanê pêk nînin jî dîsa Wezîr Sûc kiriye. Sûcê ku Wezîr kiriye dê bidome. Dewleta hiqûqê hatiye binçavkirin. Kanar, xwest fermana Wezîr pêk nînin û ger vê fermanê pêk bînin dê ji vî sûcî xelas nebin û wiha got: "Yên vî sûcî bikin tenê li gorî xala 214'an sûc nakin. Di heman demê de ji ber ku ev ferman ji devê wezîr derketiye li gorî xala 2'emîn a Qanûna Bingehîn rêgeza "Dewleta Hiqûqê" binpê kiriye. Wezîr ev xal binpê kiriye. Divê teqez Wezîr Soylu li gorî xala 214'an a TCK'ê bê darizandin û cezakirin. Wezîr bi vê daxuyaniyê hem sûc kiriye û hem polîs teşwîkî sûc kiriye. Ya ku mirovan darizîne teqes ne polîs in. Divê organa darazê be. Polîs nikarin mirovan ceza bikin. Ger ku kesekî bê cezakirin jî divê daraz wan ceza bike.
Kanar xwest ji ber vê gotine Wezîr Soylu ji peywirê bê girtin û wiha got: "Beriya ku wî ji peywirê bigirin divê îstîfa bike. Di vê serdemê de hişmendiyek wisa çawa dibe Wezîrê Karên Hundir. Divê hişmendiya wisa nebe Wezîrê Karên Hundir. Ev pir talûke ye. Ger hişmendiyek wisa Wezareta Karên Hundir dagir bike, wê demê mafê jiyana civakê û azadiya civakê di bin talûkeyê de ye. Wezîr Soylu bi vê biryara KHK'ê ya dawî hişmendî bêtir şênber kiriye."
Kanar, bal kişand serdema Îttihat û Terakkî û wiha got: "Wê serdemê rêxistinên civakî hebûn. Kesên maf bin pê dikirin, dizî dikirin û cînayet dikirin, ji aliyê Îttihat û Terakkiyan ve dihatgin berdan. Di serdema komkujiyên Ermeniyan de li dijî kemaran gelek êrîş pêk haitn. Qereqola ku Terakiyên îttihatê bi rêxistin kirin van cemiyetên karakolan rolek mezin dan ser xwe.
Di welatê hiqûqê de qet şensê kesî yê suc bike tune ye. Lê AKP hem sûc dike û hem jî hevkarên xwe yên sucdar bi efoyên korsan wan serbesr berdidin û bê suc dihêlin.
MA / Bilal Seçkin