Li Îranê du hefteye gel li dijî xizanî, nelirêtî û rejîmê li kolanan di nava çalakiyan dene. Tevî hemû gefên rejîma Îranê 10 rojan çalakiyan berdewam kir. Rojnameger û nivîskar Îslam Ozkan, geşedanên li Rojhalata Navîn û raperînên gel ên Îranê nirxand û diyar kir ku her çend wekî ku çalakî bi dawî bûbin jî dê di demên pêş de çalakî û raperîn dîsa zêde bibin û wiha got: "Ez bawer dikim ku daxwazên azadiyê belav bibin."  Ozkan, destnîşan kir ku ji ber pirsgirêkên aborî gelek bankayan îflaz kirine û wiha berdewam kir: "Çalakiyên pêş ketin zêde di çapemeniya tirk de nehat xuyakirin. Piştî li Meşhedê bankayan îflas kirin çalakiyan dest pe kir. Gel nerazibûnên xwe anîn ziman. Ev rewşa dawî ye. Ev encam e. Hem milê aborî heye hem jî milê bîrdozî û siyasî heye."  

 

'ÇALAKGER BÊTIR ÇÎNA NAVÎN IN' 

 

Ozkan, destnîşan kir ku ew baş ne bawer e ku çalakger bêtir kesên xizan in û wiha got: "Mirov nikare bi gelemberî pirsgirêkê analîz bike. Zedetir bawer dikim ku çalakvanên derketin kolanan çîna navîn e. Sedema yekemîn çalakiyan li Meşhedê dest pê kir. Ji ber ku li Meşhedê bêtir karmend in û kesên pereyên wan di bankayan de hene. Ji ber ku banka têk çûn raperînê li wir dest pê kir." 

 

Ozkan, da zanîn ku ger van çalakiyan demdirêj berdewam kiribûya dê mudaxale hişk bûbûna. Ger ku çalakiyên rê li pêş guhertina rejîmê vekiriya dê bi awayekî tund mudaxale kiribûna. Mirov nikare aşkere bêje piştgiriya derve heye. Di çalakiyan de çalakeran çek bikar anîn. Ev jî nîşan dide ku çalakî dişibin yên Sûriyeyê." 

 

DÊ KRÎZÊN NÛ DERKEVIN HOLÊ'

 

Ozkan, destnîşn kir ku her çend çalakiyan çend rojan berdewam kir û bi dawî bûbin jî bi çend rojan bi sînor namînin û wiha got: "Ez bawer dikim ku dê di demên pêş de jî çakakî rû bidin û dê êdî rê li pêş van çalakiyan neyê girtin. Ger ku rejîm daxwazên gel pêk nîne û refranman çêneke dê çalakiyên hîn xurttir pêş bikevin. Dê krîzên mezintir terkevin holê. Daxwazên azadiyê dê bêtir belav bibin. Divê berî her tiştî pirsgirêka nelirêtî û xizaniyê bê çareserkirin. Ger ku ev neyê çareserkirin dê çalakî zêdir bibin û li her derê belav bibin." Ev berdewama bahara welatên Ereban e. 

 

DIVE HEDEF RAST BÊN TESPÎTKIRIN

 

Ozkan, da zanîn ku ji bo gelê Îranê di armanca xwe de bi ser bikeve divê hedef û rêbaza xwe baş diyar bike û wiha got: "Divê li gorî gava yekem û bi rotayek rast tev bigerin. Di destpêkê de divê hedefa aborî bidin pêş xwe. Hedefên civakî, aborî û edaletê. Divê nelirêtî bê darizandin û bê tesir bê hiştin." 

 

DÊ DAXWAZÊN AZADIYÊ LI ROJHILATA NAVÎN GEŞ BIBIN

 

Ozkan, destnîşan kir ku li welatên ereb û Rojhilata Navîn tevgera azadiyê dest pê kiriye û dê daxwazên azadiyê li hemû Rojhilata Navîn belav bibe û geş bibe. Di demek nêvîn de ku 10 15 salan berdewam bike li pêş meye. Ger ku di van salan de gavên rast bên avetin şensa serkefitnê bêtir e. Em dibînin ku mudaxaleya derve tu carî encamek erênî li ser tevgera ereb û îslamê bandor nekiriye. Ger ku bi leşkerî mudaxale bibe encamek erênî dê neyê stendin. Lê ger ku bi diyalog û siyasetê pêş bikeve dê bêtir encamek erênî bê destxistin. Divê li gorî  krîterên mafên mirovan bê destgirtin. Ger ku ne wisa be dê encama we wekî ya Iraq, Sûrî û Libya be. Li Rojhilata Navîn û welatên ereb dê daxwazên azadiyê tu carî winda nebin. Dê her dem geş bibin û belav bibin.