STENBOL - Parêzeran cezayê li wekîlê HDP’ê Îdrîs Baluken û siyasetmedar Aysel Tugluk hat birîn şermezar kirin û wiha gotin: “Cezakirin wekîlên hatine hilbijartin, tunehesibandina vîna 6 milyon mirovan e.”
Parêzeran cezakirina Wekîlê HDP’ê yê Amedê Îdrîs Baluken û Alîkara Hevserokên Giştî ya HDP’ê Aysel Tugluk ên girtî nirxandin.
ŞEN: TUGLUK Û BALUKEN VÎNA 6 MILYON KES IN
Parêzera femînîst Dîren Cevahîr Şen diyar kir ku cezakirina siyasetmedaran pêş girtina siyaseta demokratîk e û got: “Tugluk û Baluken temsîla milyon mirov a ji her beşên civakê dikin. Ew endamên partiya sêyemîn a meclîsê ne. Cezakirin wekîlên hatine hilbijartin, tê wateya tune hesibandina vîna 6 milyon mirov.”
‘MUXALEFETEK BI BANDOR A HDP’Ê HEYE’
Şen destnîşan kir ku Aysel Tugluk û partiya wê HDP partiya jinan, wekheviyê, azadî û li dijî tundiya zilaman e û wiha dewam kir: “Desthilatdarî nikre wan kontrol bike û dîzayn bike. Muhalefetek serkeftî li dijî wan heye. HDP partiyek nûneriya zarok, jin, zarok, kedkar, xwendekar û hemû aliyên civakê dike ye. Dixwazin bi riya demokratîk û meclîsê siyasete bikin. Lê dixwazin vê asteng bikin. Ji ber ku xwedî muxalefetek bi bandor e. Bi cezakirinê dixwazin siyaseta Tirkiyeyê bixetimînin. Li Tirkiyeyê tê xwestin derbasî rejîma partiyek tekane bibin.”
YOLERÎ: EN KU CEZA DAN DIVÊ BÊN DARIZANDIN
Seroka Şaxa Komeleya Mafê Mirovan (ÎHD) a Stenbolê Parêzer Gulseren Yolerî jî, diyar kir ku ji bo rewş bên famkirin, divê sedemên dozên wiha mêze bikin û wiha axivî: “Gelo ji ber kîjan faliyeta ceza hatine dayîn, divê mirov li vê mêze bike. Parlamenterek gava dest bi kar, çi ji derveyî Meclîsê û çi jî hûndirê Meclîsê divê neyên darizandin. Ev sûcekê qanûnî ye. Ger li vî welatî ji nû de serweriya hiqûqê derbikeve holê û OHAL ji holê rabe, ên ku ev darizandin û sûcdarî kirin divê bên darizandin û ceza kirin.”
GUVEREN: LI DIJÎ QANÛNA BINGEHÎNE
Hevberdevka Platforma Hiqûqnasên Azadîxwaz (ODP) a Stenbolê Banu Guveren jî, anî ziman ku ev darizandin tu bingeha xwe ya hiqûqî tuneye û wiha axivî: “Bi taybetî tu bingeha êrîşên hiqûqî yên li ser muxalîf, şoreşger, welatparêz, sosyalîst û bi taybetî wekîlên HDP’ê tuneye. Ji bo ku desthilatdariyê rexne dikin rastî van cezayan tên.”
Guveren, destnîşan kir ku ji bo mafê destnedayîna wekîlan rabikin, Dadgeha Bilind ser û binû kirin û wiha dawî li axaftina xwe anî: “Ev rewş li dijî usûlê Dadgeha Bilinde. Ligel vê yekê dadgeh li hemberê vê bê usûliyê bêdeng man. Di darizandinan ne heqî heye. Lê gel di ferqa hemû nehiqiyên polîtîkayên desthilatdariyê de ye. Hêvî dikin ku dê gel van neheqiyan vale derbixin û sekna xwe ya berxwedêr didomînin.”