Li navçeya Silopiya Şirnexê 14'ê Kanûna 2015'an "qedexeya derketina kolanan" hat îlankirin û hêzên dewletê li dijî Navçeya Sîlopyayê êrîşên giran pêk anîn. Di êrîşa 4'ê Çileya 2016'an de 3 jinên siyasetmedarên kurd endama meclîsa partiya DBP'ê Sêvê Demîr, Hevseroka Meclîsa Gel a Silopiya Pakîze Nayir û aktîvîsta KJA'yê Fatma Uyar dema ji taxa Karşiyaka derbasê taxa Yeşîlyurt dibûn di gule barana polîsan de hatin kuştin. Ji 3 jinên siyasetmedarên kurd Hevseroka Meclîsa Gel a Silopiya Pakîze Nayir tekoşînek mezin li pey xwe hişt 

 

PÊŞENGIYA TEKOŞÎNA JINÊ KIR

 

Pakîze di cîwaniya xwe de tevlê xebatên tekoşîna jinê bû. Bi xebat û tekoşîna xwe navê xwe li rûpelên dîrokê nivîsand. Pakîze di sala 1990'an li gundê Ziristan ya navçeya Silopiya ji dayik bû. Demek şûnde koçberê Silopiya bûn. Ji Silopiya jî koçberê Nisêbîna Mêrdînê bûn. 6 salên xwe li vir derbas kir. Piştre carek din vegeriyan Silopiya. Piştî sal derbas bûn, Pakîze li aliyekî karê malê kir, li aliyê din xebatên siyasî meşand. Pakîze bi salan xebatên siyasî meşînd. Tekoşîna wê bi Sêvê Demîr re berdewam kir. Pakîze bi Sêvê û Fatma re pêşengiya xebatên jinê dikin û Akademiya Mala Jinê ava kirin. Pakîze pêşketina tekoşîna jinên Silopiya peyvirek giring da ser milên xwe û piştre jî xebatên xwe bi Hevserokatiya Meclîsa Gel didomîne.

 

GERDANÎ Û GUSTÎLA XWE JI DAYIKA XWE RE HÊLA

 

Li ser guhertina konsepta hikûmetê di 24'ê Tirmeha 2015'an de pêvajoya şer dest pê kir. Di vê serdemê pêşengiya Meclîsa Gel a Silopiya de rêveberiya cewherî hat îlankirin. Bi qedexeya derketina kolanan re êrîşên hêzên dewletê ya li hemberî rêveberiya cewherî destpê dike û Nayir bi her du hevalên xwe yên siyasetmedarên jin re di encama gule barana polîs û tîmên taybet de hatin kuştin. Pakîze ji beriya rojekê ya îlan kirina qedexeya derketine kolanan gerdaniya navê wê li ser û gustîla xwe dabû dayika xwe û tevlê tekoşîna rêveberiya cewherî ya gelê Silopiya bûbû. Piştre li pey xwe têkoşînek dîrokî hişt. 

 

‘SERKEFTINA BOTANÊ SERKEFTINA TEWAHIYA MIROVAHIYÊ YE'

 

Pakîze dema qedexeya derketina kolanan pirsgirîk û êrîşên hêzên dewletê ya li hemberî gel ji raya giştî re ragihand. Herî dawî bi riya telefonê tevlê televîzyonê bûbû û gotibû: "Pêkanînên vir pêkanînên Kobanê derbastir kir. Dewlet zilmê ji gelê kurd re rewa dibîne. Lê gel serî netewand, natewîne. Kolanan terk nake. Bi gotina 'Em têk naçin' diqîrin. Li ser gelê Botanê qirkirin pêk hat. Heger îro deng nedin Botanê sibê dê bibe dereng. Ez bang li dewletê dikim; eqlê xwe bênin serê xwe. Rêveberiya cewherî û parastina cewherî mafê me yê rewa ye, em dest ji mafê xwe bernadin. Tu hiqûq, qanûn û bawerî de êrîşên wisa yên hovane tune ye. Banga min ji her kesê re ye; vê qêrînê bibîhîsin, sibê dê bibe dereng. Bawer bikin serkeftina Botanê serkeftina tewahiya Botanê ye."

 

DAYIKA BEHIYE: EZ BI JIYANA PAKÎZE HER TIM SERBILINDIM

 

 Di 2'emîn salvegera 3 jinên siyasetmedarên kurd de piştî malbata Sêvê Demîr me berê xwe da mala Pakîze û li ber deriyê mala wê dayika wê Behiye Nayir me pêşwazî kir. Li diwarên malê wêneyên Pakîze hatiye xemilandin û dayika wê jî bi serbilindî destpê vegotina jiyana keça xwe dike. Dayika Behiye bi van gotinan zarokatiya Pakîze vegot: "Ji zarokatiya wê heya çû ber dilovaniya xwe ez bi jiyana wê her tim serbilindim. 5 salan çû dibistanê lê me piştre wê ji dibistanê kir. Piştre çû qursên cûr bi cûr. Demekê bi her du birayên xwe re firinê de xebitî. Herî dawî kuafor vekir û li ser piyên xwe ma."

 

'PAKÎZE HEVALA MIN, RÊHEVALA MIN BÛ'

 

Dayika Behiye anî ziman keça wî pêşengê mala wê bû û pêvajoya jiyana Pakîze ya siyasetmedariyê wiha vegot: "Pakîze jinêk çeleng û cîwan bû. Keça min fedakar bû, pêşengê hevalên xwe bû. Rojên ji bo rizgar kirina Kobanê dema diçû nobeta sînor hê li bîra min e. Ji dayikan re gelek kedkar bû û baldar bû. Pakîze hevala min, rêhevala min bû. Bila êdî Pakîze neyên kuştin, bila êdî dayik negirîn. Em dayik ne berxê li ber kêrê ne, em jî dixwazin wekî dayikên cîhanê bijîn."

 

'TU ÇEKÊN PAKÎZE NEBÛ'

 

Dayika Behiye gerdanî û gustîla Pakîze digire destê xwe û axaftina xwe wiha domand: "Tu çekên Pakîzeyê nebû, siyasetmedar bû. Dibêjin çek destê wan de bû, direwan dikin. Pakîze nefretê ji çekan dikir, nehêla bavê wî tiving ji xwe re bistîne. Sêvê birîndar bû, dema alîkariya wê dikir hat înfazkirin. Ez dest ji vê dozê bernadim."

 

‘MIN CIHÊ VALE NEHÊLA'

 

Dayika Behiye di nava rêxistina HDP'ê ya Silopiya de jî cîh digire û bi vî avayê tekoşîna keça xwe didomîne û sedema wî ji bi van gotinan vegot: "Min cihê keça xwe vale nehêla. Ez ê tekoşîna wê bidomînim. Ez dayika aştiyê me, ji bo aştiyê tekoşînê didim. Ji ber ku heya aştî neyê wê axê, tu kes nikare bijî."

 

MA - Ozgur Paksoy-Berzan Guneş