Li Enqereyê ku heta niha 11 kes hatin revandin Umît Horzum jî di 6'ê Kanûnê de hat revandin. Piştî Umît hat revandin hevserawî Aynur Horzum, serî li Navenda Giştî ya ÎHD'ê da. 

 

Horzum, di serlêdana ÎHD'ê de diyar kirku Umit Horzum di 6'ê kanûnê saet di 18.00'an de li ser rêya Stenbolê li nêzî Navenda Krîn û Firatê ya CITY ji aliyê dolmîşek (transporter) de hatiye revandin. Piştî Horzum jî hat revandin hêjmara kesên li Enqereyê hatin revandin derket 12 kesan. ÎHD'ê berê jî der barê 11 kesên ku bi sucdariya 'Têkiliya wan bi Cemaeta Gulen re hey" dihatin tawanbarkirin hatibûn revandin, biribûn Koma Xebatê ya Windakirinên Bi Zorê û Bêyî Vîna Wan ya Neteweyên Yekbûyî (NY). Ji 11 kesên heta niha hatin revandin ji 7 kesan hêj agahî nayê girtin. 

 

TIRSA ÎŞKENCEYÊ

 

Aynur Horzum û hevserê wê Umit Horzum ji saziyên dewletê hatibûn îxrackirin. Aynur Horzum, diyar kir ku piştî 17'ê tebaxa 2016'an de li ser îxbara cîranê wê der barê hevserê wê de biryara girtinê derket û hevserê wê her dem di nava tirsê de bû û wiha got: "Dema polîs hatin mala me û pirsa hevserê min kir, min got li welat e, lê ne li mal e. Hefteyek şûnde polîs dîsa hatin cihê min ê kar. Lê ji ber tirsê digot 'Heta OHAL bi dawî nebe ez teslîm nabim' Piştî wê demê min carek din hevserê xwe nedît. 

 

KESEK HAT MALÊ GOT HEVSERÊ TE HATIYE REVANDIN

 

Horzum, anî ziman ku kesekî heta niha qet ew neditibû agahî da wê ku hevserê wê hatiye revandin û wiha got: “Di 7'ê kanûnê de kes hat mala min. Pirsa Umit kir. Piştî sohbetê diyar kir ku hevserê min Umit li nêzî Acity hatiye revandin. 

 

Horzum, da zanîn ku li ser vê îdîayê serî li midûriyeta polîsan û fermandariya cendirmeyan daye, bersîvek negirtine. Horzum, anî ziman ku herî dawî dozgerekî serlêdana wan a revandinê qebûl kirin û xistin qeydan. 

 

Têkildarî mijarê Parlamenterê CHP'ê Sezgin Tanrıkulu, pirsname da meclîsê û xwest aqûbeta Horzum bê ronîkirin. 

 

MA / Deniz Nazlim – Selman Guzelyuz