AMED - Şaredara Rezanê ya berê Yuksel Baran ji doza dihat darizandin tahliye bû.

 

Şaredara berê ya Rezanê Yuksel Baran ya di 23'yê Hezîranê de hat girtin û endamê Meclisa Partiyê yê HDP'ê Ercan Arslan û Hamîde Yuksel, yên bê girtî dihatin darizandin, ji ber xebatên siyasî bi sûcê "Rêxistin ava kirine û bi rêve birine" û "Endamên rêxistinê ne" dihatin tewambarkirin. 3'yemîn danişîna dozê hat dîtin.

 

BARAN TAHLIYE BÛ

 

Danişîna li 9'emîn Dadgeha Cezayê Giran a Amedê hat dîtin, Baran û parêzerê wê amade bûn. Baran bi kurdî parastina xwe ya berê dubare kir û tahliyeya xwe xwest.

 

Dozger piştre mutalaya xwe da û xwest girtina siyasetmedaran dewam bike. Piştî parastina parêzvanan, heyeta dadgehê biryara xwe da û bi şertê "Kontrola edlî" Baran tahliye kir. 

 

Ji bo kêmasiyên dosyayê bên temamkirin, doz taloqî meha Nîsanê kirin.