Di 10’ê Çileya 2016’an  de polîsên taybet li Taxa Yeniyê ya Artemêtana Wanê avêtin ser malaekê û di avêtina ser malê de 12 HPG’î mirin. Der barê vê bûyerê de malbatên 4 HPG’yiyan bi gumana “înfazê” serî li dozgeriyê dabûn. Piştî du salan serlêdana wan a li Serdozgeriya Komarê ya Wanê bi encam bû. Dozgeriyê der barê serlêdanan de biryara neşopandinê da. 

 

BAV AŞKAN: ÎNFAZ E 

 

Ji 12 HPG’iyên mirin yek jê jî Denîz Aşkan e. Bavê Denîz Aşkan Cemîl Aşkan got ku bêyî lêpirsîna der barê bûyerê de bê birêvebirin ser wê hatiye nixumandin. Bav Aşkan wiha got: “Ji roja ku em hay ji wê bûyerê çê bûn, me bi gelek kesî re xeber da. Hem nûçeyên di rojnameyan derketin hem jî gotinên şahidên bûyerê nîşan didin ku bûyer bûyereke înfazê ye. Dewlet digot ‘Di hundur de 12 endamên rêxistinê hene’. Malê perçe perçe kiribûn, lê ji hundur ve guleyek jî nehatibû berdan.”

 

'LÊPIRSÎN LI GOR HUQÛQÊ NEHAT KIRIN’ 

 

Aşkan diyar kir ku wan di daxwaznameyên xwe de pirsiye ka ji bo çi zarokên wan bi saxî nehatine zevtkirin û ev tişt gotin: “Em 4 malbat me der bare bûyerê de doz vekir. Me xwest heke binpêkirina mafan hebe divê derkeve hole. Du sal di ser re derbas bûn, lê îfadeya me tu kesî nehat girtin. Herî dawî 10 roj berê kaxezek hat malê û em hîn bûn ku der bare bûyerê de biryara neşopandinê hatiye dayîn. Wisa difikirim ku ev lêpirsîn li gor huqûqê nehatiye kirin.” 

 

DER BARÊ BÛYERÊ DE

 

Têkildarî bûyera di 10’ê Çileya 2016’an de beyanên şahidan û parvekirinên li ser medyaya civaka medyayî ku dihat diyarkirin aîdî polis û leşkerên taybet in jî nîşan didan ku pevçûn rû nedaye. Piştî bûyerê rêxistinên civaka sivîl li malê lêkolîn kiribûn û piştî lêkolînê raporek amade kiribûn. Di raporê de hatibû diyarkirin ku ji hundur guleyek jî ber bi derve ve nehatiye teqandin. Malbat û parêzer ji bo rapora otopsiyê serlêdan pêk anîbûn, lê belê bi hinceta “nepeniyê” rapor nehatibû dayîn. HPG’ê jî der barê bûyerê de daxuyanî dabû û balê kişandibû ser “jehrîkirin” û “gaza hişbiriyê”.