STENBOL - Danişîna doza belgefîlmê 'Bakur/Kuzey' ku bi îdîaya “Propaganda rêxistinê kiriye" hatibû vekirin li 23'emin Dadgeha Cezayen Giran a Stenbolê bêyî dest pê bike taloq bû. Bi hinceta dadger di destûrê de ye danişîn taloq kirin. Sînemagerên li pêş edliyeya Stenbolê kom bûn daxuyanî dan û diyar kirin uk li Tirkiye yekem car berhemek sînemayê tê darizandin û gotin "Sinema nayê darizandin"
Yekemîn danişîna doza belgefîlmê 'Bakur/Kuzey' ku bi îdîaya “Propaganda rêxistinê kiriye" hatibû vekirin li 23'emin Dadgeha Cezayen Giran a Stenbolê bêyî dest pê bike hat taloqkirin. Bi sedema dadger bi destûr e doz hat taloqkirin. Beriya dozê sinemager, li pêş Edliyeya Stenbolê kom bûn û bertekên xwe anîn ziman. Sînemagerên ku li ber edliyê kom bûn û daxuyani dan pankarta “Sinema nayê darizandin" vekirin. Derhênerê belgefîlmê Çayan Demirel, Ertugrul Mavioglu û rojnameger jî tev li çalakiyê bûn. Parlamenterê HDP'ê Garo Paylan jî piştgiri da. Li ser navê koma sinemageran Berpirsiyara Beşa Televizyon û Sinema yê Zanîngeha Bahçeşehirê Prof. Zeynep Tul Akbal Sualp û Rêveberê Sinesenê Melih Biçer daxuyanî dan. Di daxuyaniyê de diyar kirin ku di dîroka Tirkiye de yekem car sînema tê darizandin û ev yek ji bo berhemên sînema cezayê giran e û nayê qebûlkirin.
Piştî daxuyaniyê kom derbasî edliyê bûn, lê ji ber ku dadger bi destûr bû doz taloqi 8'ê Sibata 2018'an kirin.
Serdozgeriya Komarê ya Êlihê der barê belgefilma Bakur de doz vekir. Belgefîlma di mihrîcana Filman a Stenbolê ya 2015'an de hat astengkirin û piştre hat serbestkirin di serdema pêvajoya çarseseriyê de li gelek bajaran hat pêşandan, piştî 2 sal şûnde der barê derhênerên fîlm de doz hat vekirin. Serdozgeriya Komarê ya Êlihê der barê derhênerên fîlm Çayan Demirel û Ertugrul Mavioglu û Berpirsiyarê Navenda Çandê ya Yilmaz Guneş Dicle Anter de doz vekir. Di sala 2016'an der barê derhêner Ertugrul Mavioglu û Çayan Demirel de bi îdîaya ‘propaganda rêxistinê kiriye" lêpirsîn hatibû vekirin û piştî lêpirsînê doz vekirin.