2 ciwanên Kurd ên xwestin derbasî Efrînê bibin, ji aliyê komên bi çek ên Tirkiye piştgiriya wan dike ve hatin binçavkirin. Nehat zanîn ku her du ciwan bi ku ve birin.
Li navçeya Serêkaniyê polîs, li ciwanê xebatkarê înternetê ku bi xeletî pêl li zingila derî wî kir da û lingê wî şikand. Polîs F.Ç., li gef li wî ciwanî xwar û du xizmên wî jî dan binçavkirin.
Li navçeya Artemêt a Wanê, ciwana 15 salî R.K. ji pencereya mala Ûgûr A. ket xwarê. Hat diyarkirin ku Ûgûr A. keça ciwan dehf daye. Ûgûr A. hat binçavkirin û R.K. a rakirin nexweşxanê, talûkeya jiyana wê dewam dike.
Ciwanên HDK’î û HDP’î ku hatin revandin û sîxurtî li wan hat ferzkirin diyar kirin ku îşkence li wan hatiye kirin û dan zanîn ku wê paş ve gavê neavêjin û xebatên xwe yên siyasî bimeşînin.
Li gundê Şikevtan ê navçeya Şemzînanê, pasdarên Îranê sînor derbas kirin û ciwanê bi navê Rustem Çakmak qetil kirin.
Endamê Meclîsa Ciwanên HDP’ê Çekdar Ermîş li otogara Qoserê hat binçavkirin.
Metîn Kizmaz ê 18 salî ku polîsan 3 caran ew bi awayekî nefermî girtine û bi gefxwarinê sîxurtî lê ferz kirine, ji bo alîkariya hiqûqî serî li ÎHD'ê da û giliyê polîsan kir.
Ciwanên BMG’î ji bo balê bikişînin êrişên nijadperest û şewatên daristanan belavok belav kirin.
Polisan li Amedê bi ser malan de girt û 4 ciwanan binçav kir.
Li Antalyayê, derket holê ku dest dirêjî li jina ciwan Azra Gulendam Haytaoglû a 5 roj in agahî jê nedihat girtin hatiye kirin û piştî destdirêjiye hatiye kuştin.
Li Wanê, di serdegirtina malan de, 3 endamên Meclîsa Ciwanan a HDP'ê hatin binçavkirin.
Komeke nîjadperest êrîş bir ser ciwanên ku ji bo şermezarkirina komkujiya Konyayê meşiyan. Nûçegihanên me jî din nav de gelek kes hatin derbkirin.
Li Geverê, eskeran 2 ciwan bi zorê birin herêma operasyonê. Parêzerên ji bo ku çarenûsa ciwanan hîn bibin çûn gund, ji aliyê eskeran ve hatin astengkirin.
Ciwanê bi navê Diyar Uçar (21) ku di avê de xeniqî, li Geverê hat veşartin.
19 ciwanên di bîranîna qurbaniyên Komkujiya Pirsûsê de, bi lêdanê hatibûn binçavkirin, hatin berdan.