Serokkomarê AKP’î Tayyîp Erdogan diyar kir ku ew ê di serdema pêş de bernameyeke reformê ragihînin û got: “Tirkiyeyê ji bo çaresrkirina vê pirsgirêka kronîk firsendekî dîrokî bi dest xist û ji bo gaveke din biavêjin em amadekariyan dikin.”
Wezîrê Karên Derve yê Enqereyê Hakan Fîdan bi Wezîrê Karên Derve yê Hikûmeta Demkî ya Şamê Şeybanî re hevdîtin kir. Di hevdîtinê de Fîdan careke din HSD hedef girt û di dijbertiya Kurdan de israr kir.
Endamên DEM Partiyê yên di komîsyona li Meclisê hatiye avakirin de cih digirin, gotin: “Dê komîsyon li nav û saziyên hatine diyarkirin guhdarî bike. Piştre jî dê komîsyon têkildarî sererastkirinên yasayî ku entegrasyona demokratîk jî di nav de ye, xebatan bike.”
Fetî Yildiz ê MHP’î diyar kir ku qanûna înfazê ji bo her kesî wekhev nayê cîbicîkirin û got: “Heke em vê bi temamî sererast nekin dê nekarin ji nav derkevin.”
CHP’ê ji komîsyona li Meclisê hatiye avakirin re “Paketa demokratîkbûnê” ya ji 29 xalan pêk tê pêşniyar kir.
Serokê Meclisê Nûman Kurtulmuş di civîna sêyemîn a Komîsyona Hevgirtina Neteweyî, Xwişk-Biratî û Demokrasiyê de axivî û got ku meseleya herî girîng a komîsyonê ew e ku têkildarî pêvajoyê sererastkirin bike û li ser gavên demokratîkbûnê biaxive.
Serokê Giştî yê MHP'ê Devlet Bahçelî, got: "Dê bi rêya Komîsyona Hevgirtina Neteweyî, Biratî û Demokrasiyê, ewrên li ser aramî, hêvî û biratiyê bên belawelakirin."
DEM Partî, CHP û AKP’ê navên endamên xwe yên nû yên komîsyonê ji Serokatiya Meclisê re şandin.
Partiya Îyiyê tu endamên xwe ji bo komîsyonê neşand û li ser vê yekê Serokê Meclisê Nûman Kurtulmuş ji DEM Partî, AKP û CHP’ê daxwaz kir ku her yek ji wan endamekî/ê bişînin.
Wezîrê Parastinê Yaşar Guler, Wezîrê Karên Hundir Alî Yerlîkaya û Serokê MÎT’ê Îbrahîm Kalin, beriya civîna duyemîn a komîsyonê hatin gel hev.
Serokê Meclisê Nûman Kurtulmuş di civîna duyemîn a komîsyonê de axivî û got: “Em mecbûr in pêvajoyê li gorî qenaetên gel, bendewariyên wan û bi baldariyeke mezin birêve bibin.”
Cîgirê serokwekîlê Koma DEM Partiyê Sezaî Temellî diyar kir ku divê komîsyona li meclisê hatiye avakirin weke sermuzakerevan li Abdullah Ocalan guhdarî bike û meclis wê pêşniyarên komîsyonê di meha Cotmehê qanûnî bike.
Serokê Meclisê Nûman Kurtulmuş, diyar kir ku xebata li Meclisê tê meşandin tenê dê ji bo “pêşniyar û tespîtan” be.
Endamê komîsyona li meclisê yê DEM Partiyê Saruhan Oluç diyar kir ku ew ê ji bo yasayên entegrasyonê pêşniyaran bikin.
Ji bo komîsyona meclise ku 3 kes beşdar nebûn û kursiya wan vala man û DEM Partiyê pêşniyar kir kul i şûna wan 3 kes bên diyarkirin. Pêşniyara DEM Partiyê hat qebûlkirin dê ji DEM Partî, CHP û AKP’ê ji her yekê kesek tevli komîsyonê bibe.