Ji bo hilbijartinên 31’ê Adarê 20 roj man û DEM Partiyê lez da xebatên xwe yên hilbijartinê. Piştgiriya gel a bi partiyê re roj bi roj zêdetir dibe. Hevseroka Giştî ya DBP’ê Çîgdem Kiliçgun Uçar û Hevserokê KCD’ê Berdan Ozturk jî tev li xebatan bûn.
Hevserokê Giştî yê DEM Partiyê Tuncer Bakirhan li Bedlîsê axivî û wiha got: “Pêdiviya vî gelî bi tank û topan nîne. Pêdiviya wan bi aştiyeke birûmet heye.”
Di deklarasyona Newrozê ya Stenbolê de wiha hate gotin: “Dem dema çareserkirina pirsgirêka kurd a bi rêyên demokratîk û azadiya fîzîkî ya Abdullah Ocalan e. Ji bo azadî û serkeftinê dema rabûna ser pêyan e.”
Namzetên Hevşaredariyê yên Qereyaziyê yên DEM Partiyê Bahar Goksu û Fûat Tûtkûn diyar kirin ku armanca wan ew e ku li Qereyaziyê bi dengekî zêde şaredariyê bidestbixin û diyar kirin ku hedefa wan a ewil îstîhdam e.
Hevseroka Giştî ya DEM Partiyê Tulay Hatîmogûllari ya li navçeya Curnê Reş a Rihayê di hevdîtina bi gel re de axivî, bal kişand ewlehiya hilbijartinê û wiha got: “Em ê sindoqan weke çavên xwe biparêzin.”
Hevserokê Giştî yê DEM Partiyê Tuncer Bakirhan li Xîzanê axivî û wiha bertek nîşanî îktîdarê da: “Destên van li hewa, serê wan ser cilnimêjê û aqilê wan li ser heramiyan e.”
Hevserokê Giştî yê DEM Partiyê Tuncer Bakirhan serdanên xwe yên li Sêrtê didomîne. Bakirhan, wiha got: “Kesên hilbijêrên heram vediguhêzin, li Weysel Qeranî jî duayan dikin. Li dijî her hilbijêreke heram, divê em du hilbijêrên helal bînin.”
Welatiyên Mûşê diyar kirin ku li bajêr tu feydeya şaredariyê negihaye wan û destnîşan kirin ku ew alîgirê guhertinê ne. Mûşiyan got: “Em dixwazin ji zîhniyeta AKP’ê xelas bibin. Rêya xelasiyê DEM Partî ye."
Namzetên Hevşaredariyê yên ÎBB’ê yên DEM Partiyê Meral Daniş Beştaş û Mûrat Çepnî di çarçoveya bernameya “Rûyên Ciwanan” de hatin ba hev. Beştaş destnîşan ku desthilat ser ciwanan, taybetî jî ser ciwanên kurdan polîtîkayên şerê taybet dide meşandin û anî ziman ku desthilat dixwaze bi vî awayî ciwanan bi hişbirê re pûç bike.
Hevserokê Giştî yê DEM Partiyê Tûncer Bakirhan ku li Sêrtê axivî, diyar kir ku dê gelê Sêrtê di 31'ê Adarê de li hemberî qeyûman bersiva pêwîst bide. Bakirhan ku bang li ereban jî kir, got: “Ew şaredarî dê bibe mala hevpar a ereb, tirk û kurdan. Ez bang li gelê me yê ereb dikim ku dengê xwe bidin DEM Partiyê."
Hevseroka Giştî ya DEM Partiyê Tulay Hatîmogûllari ya li Mîdyadê di hevdîtina bi gel re de axivî, wiha got: “Fîrewn dê biçin, demokrasî dê were.”
Hevserokê Giştî yê DEM Partiyê Tûncer Bakirhan di civîna gel a li Misircê de axivî. Bakirhan diyar kir ku muxabatê çareseriya pirsgirêka Kurd Abdullah Ocalan e û ji bo pirsgirêka Kurd bi diyalogê çareser bibe, bang kir.
Namzetên Hevşaredariyê yên Artûklûyê yên DEM Partiyê Mehmet Alî Amak û Munevver Olker diyar kirin ku ew dixwazin bajarê ku wekî "bajarê ziman û olan" bi nav dikin bi rê ve bibin û armancên xwe yên bingehîn vegotin.
Namzetê AKP’î Erkan Eroglu bêyî bikaranîna nav û logoya partiya xwe, xebatên hilbijartina herêmî didomîne.
Namzetê hevşaredariyê yê DEM Partiyê yê Şaredariya Bajarê Mezin a Mêrdînê Ahmet Turk li navçeya Sêwereg a Rihayê tev li vekirina buroya hilbijartinê bû û got: “Dem dema kurdan e.”