MYK'a HDP'ê daxuyanî da û diyar kir ku îtîfaqa AKP-MHP'ê bi taybet li Tirkiye û bi giştî li Rojhilata Navîn li sînorê têkçûnek mezin e. MYK'a HDP'ê bal kişand ser tayînkirina Qeyûm a Şaredariya Cizîrê ya di 29'ê Cotmehê de û wiha got: “Ev ne karê hiqûqa îdarî ye. Ev rêbaza bîrdozi û teknîka îktîdarê ye."
Parlamenterê HDP’ê Nusrettîn Maçîn diyar kir ku piştî kuştina Bagdadî dê pêwendiyên Tirkiyê û DAIŞ’ê bi belgeyan derkevin holê û tekane rêya li pêşiya kurdan ku 100 sal in ji bo azadiyê têdikoşin “yekîtî” ye.
Hevserokên Giştî yên HDP'ê Pervin Buldan û Sezai Temellî, bi minasebeta salvegera damezirandina Komarê peyam weşandin û gotin: “Di 96’emîn salvegera avakirina Komarê de qeyûm tayînî Şaredariya Cizîrê kirin. Heta niha vîna 4 milyonan tune hat hesibandin û 19 şaredarî hat xezpkirin. Ev nîşanî me dide ku çiqas pêwîstî bi demokratikbûna komarê heye."
HAK-PAR'ê kongreya xwe ya mezin li dar xist û ji bo serokatiya giştî Latîf Epozdemîr hat hilbijartin.
Berdevkê Serokkomariyê Îbrahîm Kalin, aciziya wan a ji ber paya YPG'ê ya di operasyona kuştina Lîderê DAIŞ'ê Ebûbekîr Bagdadî de anî ziman
Hevserokê Giştî yê DBP’ê Mehmet Arslan, diyar kir ku ew ê 5’emîn Kongreya xwe ya Giştî ya Asayî di 30’ê Midarê de li dar bixin û got: “AKP bi dagirkirina Bakur û Rojhilatê Sûriyeyê li dijî hemû kurdan şer da dest pê kirin.
Hevserokê Giştî yê HDP'ê Sezaî Temellî Şaredariya Îdirê ziyaret kir.
Hevserokê Giştî yê HDP'ê Sezaî Temellî, tev li Kongreya Asayî ya Rêxistina HDP'ê ya Qersê bû û diyar kir ku çareseriya li Sûriyeyê di aştiya bi Kurdan re derbas dibe û wiha got: "Li sînorê me yê Sûriyeyê koorîdora tororê tune ye. Îktîdara ku dixwaze li ser sînorê me yê Sûriyeyê bi Kurdan re dijminantiyê ava bike heye. Bi salan e me ev got. Lê niha êdî hemû cihan jî vê yekê dibêje. Îro hikûmet emrê xwe bi tecrîd, şer û tunekirina hiquqê dirêj dike. Tecrîda li ÎMraliyê li ser hemû Tirkiyeyê ye."
Hevseroka HDP’ê Pervîn Buldan diyar kir ku Tirkiye di êrişên li dijî Rojava de bi ser neket û xwe bêtir xist nava çiravê. Buldan bal kişand ser yekîtiya kurdan û got avakirina yekîtiya kurdan deynê stûyê wan e û xwest Tirkiye guh bide pêşniyar û fikrên Ocalan ên ji bo çareseriyê.
Serokkomar Erdogan tirkiya "sureya fethê" ji cemeeta mizgeftê re ragihand û têkildarî êrîşa Tirkiyeyê ya li Bakur û Rojhilatê Sûriyeyê ku piraniya nifûsa wê misilman in ev tişt got: "Em di nav xwe de bi merhamet bin. Li dijî kufrê jî tund bin. Weke li Sûriyeyê."
Berdevkê HDP’ê Gunay Kubîlay diyar kir ku yê ku di vî şerê li dijî Rojava de winda kir tenê Tirkiye ye û ji bo çareseriya pirsgirêkan Îmraliyê wek navnîşana çareseriyê da nîşan dan.
Rêxistina HDP'ê ya Wanê, dê sibe bi beşdariya Sezaî Temellî 2'emîn kongreya xwe ya awarte li dar bixe.
Wezîrê Parastinê yê Amerîkayê Mark Esper, êrîşa Tirkiyeyê ya li dijî Bakur û Rojhilatê Sûriyeyê weke "dagirkeriya bêsînor" bi nav kir û Tirkiyeyê bi nêzikbûna Rûsyayê û bi pêşveçûna di rêya şaş de sûcdar kir.
Hevserokên HDP’ê Pervîn Buldan û Sezaî Temellî bi boneya nirxandina êrîşên li dijî Rojava, yekîtiya neteweyî û polîtîkaya qeyûman bi partiyên Kurd re civiyan.
Parlamenterê CHP'ê yê Stenbolê Sezgîn Tanrikûlû, helwesta partiya xwe ya li hemberî şer rexne kir û da zanîn ku di asta heyî de Tirkiye û CHP'ê winda kiriye û Erdogan qezenc kiriye.