Parlementerê HDP'ê yê Êlihê Ruştu Tiryakî, diyar kir ku AKP dixwaze heyfa binketina polîtîkaya xwe ya derveyî ji kurdan û muxalifan bistîne û got, lê belê wê ev polîtîka bi ser nekevin.
Hevsroka Giştî ya HDP’ê Pervîn Bûldan têkildarî operasyona li dijî partiya wan bersiv AKP’ê da û got: “HDP’ê serî netewand. Çond danenî. Wê çong daneyne û bila ev jî ji we re bibe derd. Ez bang li muxalefetê dikim ku li dijî êrişan bibin yek.”
Serokê Giştî yê Partiya Mirov û Azadiyan (PÎA) Mehmet Kamaç, êrîşên li dijî HDP'ê şermezar kir û anî ziman ku Kurd wê tu carî li dijî faşîzmê û îqtîdara AKP'ê serî netewîne.
Serokê Lêkolîna Ewrasya Kemal Ozkîraz, derbarê “lêpirsîna Kobanê” ya piştî 6 salan li HDP’iyan hat vekirin de, ji Kiliçdaroglû û Akşener re got: “Ger îro hûn li dijî vê bêhiqûqiyê dengê xwe dernexin, wê we hemûyan bigirin.”
Parlamenterên HDP’ê Meral Daniş Beştaş û Garo Paylan ên têkildarî lêpirsîna Kobanê ku dozger der barê wan de fezleke amade kirin bertekên xwe anîn ziman û gotin: "Taliya talî dê berxwedan bi ser bikeve. Niha dem dema ku her kes li HDP’ê û siyaseta demokratîk xwedî derkeve ye."
Hevserokê Giştî yê HDP’ê Mîthat Sancar li dijî oprasyona partiya xwe nerazîbûn nîşan da û got: “Daraz bi destê îqtîdarê dixebite. Her ku winda dikin êrişî me dikin. Her ku êriş dikin jî bêtir winda dikin.”
HDP’ê, bertek nîşanî binçavkirinên endamên rêveberiya partiyê û parlamenterên berê da û got: “Ev biryara tolgirtinê, duh di civîna MGK û merasîma daweta dozger ya li Qesrê hatibû li darxistin de hat girtin.”
Parlamenterê HDP’ê yê Kocaeliyê Omer Farûk Gergerlîoglû diyar kir ku Walîtiya Wanê dixwaze ser îşkencekirina Osman Şîban û Servet Tûrgût ên ji helîkoptêrê hatin avêtin bigire û ew ê daxuyaniya walîtiyê qebûl nekin û dest ji bûyerê bernedin.
HDP’ê, derbarê bûyera binçavkirin û avêtina ji helîkopterê ya Servet Tûrgût û Osman Şiban de banga civîna lezgîn li Komîsyona Mafê Mirovan a Meclisê kir.
HDP, bi civîneke online bi nûnerên sefaretxaneyên 26 welatên endamên YE’yê re hat gel hev û ji bo çareserkirina Pirsgirêka Kurd a bi rêyên demokratîk bal kişand ser polîtîkayên tecrîdê yên li dijî Rêberê PKK’ê Abdullah Ocalan.
HDP’ê diyar kir ku bi belgeyan hatiye îspatkirin ku Osman Şîban û Servet Tûrgût ji helîkopterê hatine avêtin û got ku hovîtiya hatiye kirin ji hovîtiya salên 90’î xerabtir e.
Hevseroka Giştî ya DBP’ê Saliha Aydenîz, li Rihayê, rapora sûcan a NY’yê ya derbarê Efrîn û Serê Kaniyê bi bîr xist û ev tişt got: “Heke sûcê şer hene hûn çima gav navêjin? Tenê bi amadekirina raporê nabe. Heke hûn gav navêjin tê wateya ku hûn jî hevparî vî sûcî ne.”
Parlamenterê CHP’ê yê Konyayê Abdullatîf Şener, diyar kir ku stratejiya desthilatê astengkirina yekbûna hêzê ye û got ku divê li dijî vê muxalefet li derdora demokrasiyê bê gel hev û hê bêtir wêrek be.
Berdevka HDP'ê Ebrû Gunay bal kişande ser tecrîdkirina Rêberê PKK’ê Abdullah Ocalan û got: “Pêwiste rakirina tecrîdê daxwaza her kesî be.” Her wiha Gunay got ew li dijî bloka faşîst pêngava bloka demokrasiyê didin destpêkirin.
Parlamentera HDP’ê ya Amedê Dersim Dag, diyar kir ku bi revandina endamên meclisa ciwanan a partiya wan tê xwestin ku xebatên partiya wan bên îllegaîzekirin û wiha got: “Desthilata AKP’ê hebûna xwe bi pêkanînên JÎTEM’ê didomîne.”