Girtiyê siyasî Alp Altinors di Doza Kobanê de beriya biryarê gotinên xwe yên dawî kir û wiha got: “Di vê dozê de gotina me ya ewil çi be, ya dawî jî ew e.” Alî Urkut jî wiha got: “Gotina ewil a têkildarî vê dosyayê siyasetê kir.” Ayla Akat Ata jî ev tişt anî ziman: “Dê kesên ji bo bedeldayînê amade, bigihijin armanca xwe.”
Seroka Komîteya Amadekar Pinar Sakik a têkildarî Newroza di 21’ê Adarê de li Amedê were pîrozkirin agahî dan û ji bo hemû gelên Kurdistan û Tirkiyeyê agirê Newrozê ji Amedê bilind bikin ew vexwendin Newroza Amedê.
Tevî barîna baran û berfê jî li Bazîdê bi hezaran kes tev li pîrozbahiya Newrozê bûn. Hevseroka Giştî ya DEM Partiyê Tulay Hatîmogûllari di pîrozbahiyê de wiha got: “Peyama birêz Ocalan a di sala 2013’an de şandibû peyama me ye. Bila tecrîda li Îmraliyê bê rakirin û birêz Ocalan azad bibe.”
Hevberdevkê Komîteya Amadekar a Newroza Rihayê Ahmet Taş ji bo pîrozbahiya ku dê di 23’yê adarê de bê lidarxistin bang kir û wiha got: “Dem dema şikandina tecrîdê û jiyaneke azad a bi Rêbertiyê re ye."
Nêzî temamê nameya endama Grup Yorûmê Betul Varan ku têkildarî girtiyên li Girtîgeha Marmarayê de di rojiya mirinê û çalakiya greva birçîbûnê ya bêdem û dorveger de ne şandiye, hate sansurkirin.
Bi hezaran kes ji bo pîrozkirina Newroza Êlihê diherikin qadê.
Bi hezaran kes li Nisêbînê bi dirûşmên berxwedanê herikîn qada Newrozê û pîrozbahî dest pê kir.
Xizmên girtiyan ên bi daxwaza azadiya fîzîkî ya Rêberê PKK’ê Abdullah Ocalan dest bi Nobeta Edaletê kirin, diyar kirin ku ji bo vê daxwazê bi milyonan kesan re biqîrin her kes vexwendin Newrozê.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 36 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Îro li 14 navendan Cejna Newrozê hate pîrozkirin.
Di çarçoveya lêpirsîna Serdozgeriya Komarê ya Îzmîrê daye destpêkirin de 4 ESP’î hatin binçavkirin.
Amadekariyên Newroza Çewligê ya sibê temam bûn. Ji Komîteya Amadekar Şevket Kalindamar bang li tevahiya gelê Çewligê kir ku li dor agirê Newrozê kom bibin.
Aşût kete ser rêbeja Colemêrg-Şirnexê û rê ji hatin û çûnê re hate girtin.
Tê payîn ku bi deh hezaran kes tev li Newroza Geverê bibin. Endamên Komîteya Amadekar a Newroza Geverê diyar kirin ku amadekariyên wan li ber dawîbûnê ve ne û tevahiya xelkê bajar vexwend pîrozbahiyê.
Parlamenterê DEM Partiyê yê Amedê Cengîz Çandar diyar kir ku divê pêşî li êrişên Tirkiyeyê yên li ser Başûr bên girtin û got: "Em daxuyaniya Abdullah Ocalan a Newroza 2013'an li gorî sala 2024'an saz bikin û bi rê bikevin."