Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 118’an de berdewam dike.
Hevseroka Giştî ya DEM Partiyê Tulay Hatîmogullari di roja 58’emîn a çalakiya Emîne Şenyaşar ya li ber Wezareta Dadê de, çû serdana wê û diyar kir ku daxwazên malbata Şenyaşarê daxwazên wê ne û banga xwedî derketina li çalakiyê kir.
DAIŞ’ê li bejahiya Reqayê ya di bin kontrola hikûmeta Şamê de êrişî welatiyan kir. Hat ragihandin 2 kes hatine kuştin, kesek birîndar bûye û 5 kes jî hatine revandin.
Namzetên DEM Partiyê lez dan xebatên xwe yên hilbijartinê û bernameya xwe ya şaredarîvaniya wekhev û azadîxwaz ji raya giştî re vedibêjin.
3 endamên ESP û endameke OGK'ê yên di 19'ê Adarê de li Îzmîrê hatibûn binçavkirin, ji ber daxuyaniyên çapemeniyê û xebatên hilbijartinê hatin girtin.
Hevseroka Giştî ya DBP'ê Çîgdem Kiliçgun Ûçar ku li gundên Pîranê xebatên hilbijartinê dimeşîne got: "Heta ku Abdullah Ocalan azadiya xwe ya fizîkî bi dest nexe û pirsgirêka kurd bi rêbazên demokratîk neyê çareserkirin, wê her tişt kêm be. Çareserkirina pirsgirêka kurd tdê welêt aram bike."
Siyasetmedara kurd Leyla Zana di axaftina xwe ya di civînên gel de yên li Hezro û Hênê, ji her kesî xwest ku kesekî/ê qaneh bikin.
Namzetê Hevşaredariyê yê Bajarê Mezin ê Mêrdînê Ahmet Turk ê ji bo piştgiriya namzetên hevşaredariyê yên DEM Partiyê yên Şirnexê hate bajêr, wiha got: “Heke li Kurdistanê dengê me bi awayekî xurt dernekeve dê dewlet zext û zordariya xwe zêde bike. Ji ber vê yekê divê em bi dengekî zêde di vê hilbijartinê de serbikevin.”
Ji Bakur û Rojhilatê Sûriyeye heta Lubnanê li gelek navendan pîrozbahiyên Newrozê hatin lidarxistin.
Li Battalgazi û Haymanayê agirê Newrozê hate vêxistin. Di axaftinan de hat destnîşankirin ku muxatabê çareseriya pirsgirêka kurd Rêberê PKK’ê Abdullah Ocalan e.
Parlamentera DEM Partiyê ya Sêrtê Sabahat Erdogan Saritaş bertek nîşanî Midûriyeta Perwerdehiyê ya Sêrtê ku di ezmûna ceribandina TYT'ê de reklama namzetê AKP’ê kir, da û da zanîn ku ew dê derbarê bûyerê de giliyê bikin.
Serokê Komîteya Amadekar a Newroza Edeneyê Yaşar Demîr ji bo tevlibûna pîrozbahiya Newrozê ku dê di 24’ê adarê de bê lidarxistin bang kir û got: “Werin em bi hev re li dora agirê Newrozê govenda azadiyê bigerînin.”
Ferdên eşîra Îskiyê ya li Erdîşê, îdiaya ku ew ê piştgiriya AKP’ê bikin bi serdana DEM Partiyê derewandin û wiha gotin: “Ji qirkirina Geliyê Zîlan û wir ve em li cem gelê xwe ne.”
Ahmet Turk û şandeya pê re li Cizîrê serdana malbatên ku malên wan di bin lehiyê de mane kirin.