YSK'ê di sedema biryara xwe ya der barê Abdûllah Zeydan de ku mafên wî yên memnû îadeyî wî kiribûn, diyar kir ku biryara dadgehê "li derî hiqûqê ye û tu hukmeke wê tune ye."
DEM Partiyî ku ji bo dengên li Bedlîsê jinûve bên hejmartin xwe li benda biryara YSK’ê digirin, li bajar daxuyanî dan. Parlamenter Huseyîn Olan got: “Ferqa navberê pir biçûk e. Em ê dev ji vê meseleyê bernedin.”
Çalakvanên Nobeta Edaletê diyar kirin ku çalakiya greva birçîbûnê ya girtiyan derbasî qonaxeke nû bûye, peyama girtiyan a “mezinkirina berxwedanê” parve kirin û bang li raya giştî kirin.
Meclisa Gel a Bakur û Rojhilatê Sûriyeyê bi boneya Cejna Remezanê ji bo girtiyan efû derxist.
Bi sedan welatiyên li pêşiya DEM Partiyê ya Curnê Reş kom bûyîn li dijî betalkirina hilbijartinê bi dirûşma “AKP diz e, YSK şirîkê wê ye” ber bi Lijneya Hilbijartinê ya Navçeyê ve meşiyan.
Li navçeya Bismilê ya Amedê qezaya trafîkê çêbû û 6 jê zarok bi giştî 9 kes birîndar bûn.
Di çalakiyên li Enqere û Stenbolê de hat xwestin ku girtiyên nexweş Abdurrahîm Demîr û Omer Yaman bên tehliyekirin.
Xizmên Windakiriyan û ÎHD li Amed, Êlih û Îzmîrê aqûbeta windakiriyan pirsîn û gotin ku dê dev ji daxwazkirina edaletê bernedin.
YSK ji bo nirxandina îtîrazên li dijî encamên hilbijartinê civiya.
Dayikên Şemiyê di çalakiya vê hefteyê de aqûbeta nivîskar Sabahattîn Alî pirsîn ku 76 sal berê hatibû binçavkirin û windakirin û banga bidawîkirina bêedaletiyê kirin.
Di şewata li kulubeke şevê ya li Stenbolê de piranî jê karker 29 kesan jiyana xwe ji dest dabûn. Ji 11 kesên ji ber şewatê hatibûn binçavkirin 8 jê hatin girtin.
Partiya Saadetê bi îdiaya ku AKP’ê pisûlayên dengan ên navçeya Qûbînê li navçeya Sasonê bi kar aniye, îtîraz kir.
Hevşaredarên Bajarê Mezin a Wanê Neslîhan Şedal û Abdullah Zeydan bi torenekê peywir ji hevaşredarê serdema berê Mûstafa Avci dewr girtin ku li şûna wî qeyûm hatibû tayînkirin. Hevşaredaran got: “Dem dema xizmetkirina xelkê berxwedêr ê Wanê ye.”
Parastvanên mafan bal kişandin ser tundiya di dema protestokirina binpêkirinên hilbijartinan de li zarokan hatine kirin û wiha gotin: “Hêzên ewlekariyê yên dewletê bi îşkencekirina zarokan û miameleya xerab sûc kirin.”
Hevşaredarên Hezexê bi rakirina kulubeya "ewlehiyê" ya qeyûman danibûn li pêşiya deriyê şaredariyê, dest bi peywirê kirin.