ÎHD, bal kişand ser rewşa girtiya nexweş Makbûle Ozer a 82 salî û ev bang kir: “Jiyana wê di bin xetereyê de ye divê were berdan.” Dayikên Aştiyê yên Amedê jî bi gotinên “Makbûle li der ve be dê bikare çi sûcî bike? Em van qanûnên faşîst ên jineke pîr digirin qebûl nakin” bertek nîşan dan.
Xizmên windayan û ÎHD’ê bi çalakiyên xwe yên li sê bajaran ji Cemal Kavak, Kadrî Yilmaz û Rojhat Ozdel re edaletê xwestin.
Nûnerên rêxistinên pîşeyî ku bertek nîşanî girtina 3 rojnamevanên kurd dan, diyar kirin ku rojnamevanên kurd ji ber polîtîkayên şer ên li Tirkiyeyê hatine girtin û xwestin demildest bên berdan.
OHD û MED TUHAD-FED a “Rapora Binpêkirinên Mafan ên li Girtîgehan a Sala 2022-2024’an” aşkere kir destnîşan kir ku binpêkirinên mafan û zextên li girtîgehan bandora tecrîda li Îmraliyê tê meşandine.
Partiyên siyasî û rêxistinên civakî yên sivîl bertek nîşanî binpêkirinên mafan û polîtîkayên tecrîdê yên di girtîgahan de tên sepandin dan û wiha bang kirin: “Tecrîda li Îmraliyê rakin, çareseriya demokratîk a pirsgirêka kurd pêk bînin.”
Dayikên Şemiyê, aqûbeta Nûrettîn Yedîgol ê beriya 43 salan di bin çavan de hate windakirin pirsîn û diyar kirin ku çend sal derbas bibin jî dê dest ji daxwaza edaletê bernedin.
DFG û MKG ku bertek nîşanî girtina kedkarên Çapemeniya Azad da, bang li desthilatê kir ku ji bo demokratîkbûyîna Tirkiyeyê darizandina rojnamevaniyê rawestînin û ji rêxistinên pîşeyî û raya giştî xwest ku ji bo parastina mafê agahîgirtinê û rojnamevaniyê bi hev re têbikoşin.
15 penaberên li GGM’ê hatin îşkencekirin û pişt re sewqî Wanê hatin kirin, binpêkirinên mafan ên pê re rû bi rû man vegotin.
EFJ’ê serdegirtina polîsan a li dijî televizyonên li Belçîkayê weşanê dikin şermezar kir û bang li rayedaran kir ku hurmetê nîşanî nepenîtiya çavkaniyên rojnamevaniyê bidin.
Hevserokê şaxa ÎHD’a Wanê Parêzer Mehmet Salîh Coşkûn destnîşan kir ku daxwazên girtiyan ên ev 6 meh in ji bo azadiya Rêberê PKK’ê Abdullah Ocalan di çalakiyê de ne rewa ne, divê werin bersivandin û da zanîn ku dê daxwazên girtiyan aştiya civakî xurt bike.
Ji ber çalakiya şermezarkirina xespkirina vînê ya li Wanê, li Edeneyê der barê kesên rastî êrişa polîsan hatin de lêpirsîn hat vekirin.
Asayîşa PDK’Ê 186 roj berê rojnameger Silêman Ehmed revand û ji wê rojê ve tu agahî ji Ehmed nayên girtin.
Ji bo azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd, girtiyên siyasî ev 153 roj in li ber xwe didin.
Girtiyê nexweş Cebraîl Vûral (50) ku piştî 30 salan ji girtîgehê derket wiha got: "Ez di zindanê de ji nû ve çêbûm."
