Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 206’emîn de berdewam dike.
Endama Komeleya Her Der Zarokê Sedanûr Ûgûr destnîşan kir ku fêdeya zarok berçav nayê girtin, zarok rastî cihêkariyê tên û mafên wan berçav nayên girtin. Ûgûr diyar kir ku ev sepan jî dibin sedema mirin û travmayan.
Welatiyên ji Rihayê bi kêfa dilê xwe cejnê pîroz nekirin. Gotina mezinan a “Kanê ew cejnên berê” vê carê ji devê ciwanan nakeve.
Welatiyên tev li bernameya cejnê ya DEM Partiya Wanê bûne destnîşan kirin ku ew ji ber agahî negirtina ji Rêberê PKK’ê Abdullah Ocalan û çalakiya boykotkirinê ya girtiyan cejnê bi xemgînî derbas dikin û gotin: “Divê em li dijî tecrîdê bêhtir deng derbixin.”
Li gelek bajaran li dijî tayînkirina qeyûmê Şaredariya Colemêrgê çalakî û xebatên hatin lidarxistin.
Hunermend Vedat Erîncîn anî ziman ku tayînkiirina qeyûmê Şaredariya Colemêrgê ji mafê bijartin û bijirînê re “darbe” ye.
LKP'î Halîl Aksakal ê di sala 2015'an de li Bakur û Rojhilatê Sûriyeyê jiyana xwe ji dest dabû bi ser gora xwe hate bîranîn.
Hevserokê DEM Partiyê yê Giştî Tûncer Bakirhan di serdana Şaredariya Mûşê de axiavî û wiha got: “Mûş dê xizmeta heq kiriye bibîne.”
Hevseroka DEM Partiyê Tulay Hatîmogûllari li Şirnexê serdanên xwe yên şaredariyan didomîne wiha got: “Derewa AKP’ê ya ‘asayîbûnê’ li Colemêrgê eşkere bû.”
Li gorî îstatîstîkên Tîmên Fileh ên Aştiyê Tirkiye di 6 mehên sala 2024’an de herî kêm 833 caran Herêma Federe ya Kurdistanê bombebaran kir. Di êrişan de 8 sivîl jiyana xwe ji dest dan.
Li mezraya Tunagragê ya navçeya Pîranê kamera bi kaniyê ve kirin. Yek ji welatiyan Kadriye Karatay bi gotinên “Beriya niha kesên em difikirin ku ji îstîxbaratê ne hatine gund. Bawer im wan pê ve kirine. Mahremiyeta me tê binpêkirin û tên temaşekirin” bertek nîşan da.
Li Erdexanê ji ber barîna zêde ya gijlokê wesayîtan nekarîn tev bigerin. Ji ber barînê, rê spî bûn.
Ciwanê bi navê Vedat Înalcan ku ji ber germa zêde kete Çemê Êlihê jiyana xwe ji dest da.
Li Senayiya Organîze ya Çerm a Tûzlayê ji ber sedemeke ne diyar şewat derket. Xebatên vemirandina şewatê didomin.