Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 216’emîn de didome.
Nobeta li Stenbolê ya li dijî desteserkirina Şaredariya Colemêrgê di roja 21’an de ye. Di nobedê de peyama “Em ê dest ji vîna xwe bernedin. Heta em mafên xwe bi dest bixin em ê li her derê li ber xwe bidin” hat dayîn.
Di çalakiyên "dawî li tecrîdê bîne" de ku li gelek bajaran tên lidarxistin, bang li Wezîrê Dadê hat kirin û wiha hat gotin: "Ger dilê we û edaletê hebe, daxwazên dayikan pêk bînin."
Danişîna doza ku der barê Berdevka TJA’yê Ayşe Gokkan de bi îdiaya “Zerar daye malên gelemperiyê” ku beriya 11 salan hesinê leşkeran winda bûbû, hat taloqkirin.
Danişîna doza ku Şervan Gulel ê Hasret Tûtal qetil kir jinûve tê darizandin, ji ber bavê faîl ê diviyabû weke şahid were guhdarkirin nehat danişîn taloqî 27’ê îlonê hate kirin.
Pinar Selek di doza Sûka Misirê de cara 6’emîn e tê darizandin. Biryara hate dayîn ku biryara têkildarî girtina Selek bidome.
Hewldana Edaletê ya Ji Bo Roboskê ya di meha 150’yemîn a komkujiyê de daxuyanî da, diyar kir ku ronîkirina komkujiyê ji bo binpêkirinên din ên mafê jiyanê girîng e.
Ji parêzerên Rêberê PKK'ê Abdullah Ocalan, Cengîz Yureklî bi rayedarên Komîteya Pêşîgirtina li Îşkenceyê (CPT) a li Strasbourgê re hevdîtin kir. Yureklî got: "Me cidiyeta rewşê û bendewariyên xwe ji wan re ragihand."
Serokkomarê AKP’î Tayyîp Erdogan diyar kir ku ew dikarin bi Beşar Esad re pêwendiyan danin û got: “Ka em çawa bi hev re tevgeriyabin, em ê niha jî bi hev re tevbigerin.”
Ji girtiyên 1’ê Gulanê 11 kesên din jî hatin berdan.
Hevşaredara Colemêrgê Viyan Tekçe dê li Stenbolê bi rêxistinên civaka sivîl û nûnertiyên partiyên siyasî re hevdîtinan bike.
Dîmenên nû yên êrişa grûbek ku gefa kuştinê û heqaretê li jinên ketine hewzê dixwe derketin holê.
Ji sedî 38 zem li ceyranê hate kirin. Zem dê ji 1’ê tîrmehê ve derbasdar be.