Serokê Partiya Çep a Ewropayê Walter Baîer ku di heyeta navneteweyî ya ku ji bo Îmraliyê serî li Wezareta Dadê dabû de cih girt, diyar kir ku Abdullah Ocalan "mirovê aştiyê" ye û wiha got: "Ew kes û aktorekî girîng e. Pêdiviya gelê kurd û gelê tirk bi Abdullah Ocalan heye."
Hevserokê Şaxa Egîtîm Sen a Qersê Hakan Topçû diyar kir ku li navçeyên Qaxizman û Cilawuzê midûrên perwerdehiya neteweyî ji ber gendeliyê ji wezîfeyê hatine dûrxistin û got ku pirsgirêkeke din a girîng nebûna bêliyaqatê ya ji ber polîtîkayên desthilatê ye.
Tirkiye û komên paramîlîter yên girêdayê wê gundên Mincbic û Kobanê bombebaran kirin.
Xebatkara Weşanxaneya Aramê Sevînç Aldar a di fuara pirtûkan de hate binçavkirin, piştî îfadeya li emniyetê hate berdan.
Pênc kesên şevê din bi hinceta protestkirina tayînkirina qeyûm li Dêrsimê hatibûn binçavkirin, hatin berdan.
Parlamenterên DEM Partiyê li Meclisê tayînkirina qeyûman protesto kirin.
Wezîrê Dadê Yilmaz Tunç têkildarî serlêdana DEM Partiyê ya ji bo Îmraliyê wiha got: “Nirxandina me hêj didome. Dê di demekî guncav de bersiv were dayin.”
Şîna endamê HPG’ê Yavuz Selîm Uluç bi girseyî hate ziyaretkirin.
Şaxên ÎHD’ê ji bo berdana parastvana mafên mirovan a girtî Nîmet Tanrikulu çalakî li dar xistin û daxwaza berdana wê kirin.
Endamên Meclisa Dayikên Aştiyê li dijî êrişên ser Bakur û Rojhilatê Sûriyeyê gotin “Em ê Rojava bi ruhê Kobanê biparêzin” û ji bo sekinandina êrişan banga berpirsyartiyê li her kesî kirin.
Derheqê rojnameger Geşbûn Ayşe Kara de biryara girtinê hate dayin.
TEV-DEM’ê têkildarî êrişên dewleta tirk û komên wê yên paramîlîter daxuyanî da û got ku plana qirkirina gelên herêmê tê kirin.
Dadgeha Destûra Bingehîn biryar da ku mafê jiyanê yê Cîhat Morgul ê 14 salî ku cenazeyê wî li navçeya Sûrê ya Amedê di dema qedexeya derketina derve de 3 caran hat veşartin, hatiye binpêkirin.
Abdullah Ongullu ku 30 sal bûn di girtîgehê de bû, ji Girtîgeha Afyonê hate berdan.