Rêvebira Rêxistina Mafên Mirovan a Sûriyeyê Evîn Cûmayê ragihand ku di encama êrişan de qadên jiyanê bûne hedef û DAIŞ'a ku ji vê rewşê sûd werdigire hewl dide hêza xwe xurt bike.
Amediyan bertek nîşanî êrişên Tirkiyeyê yên li ser Bakur û Rojhilatê Sûriyeyê dan û aqûbeta Seddam Huseyîn bi bîr anîn û diyar kirin ku aştiyeke mayînde ya li Rojhilata Navînê tenê bi çareseriya pirsgirêka kurd pêkan e.
Mehmet Şahîn ê ku bi biryarnameyê ji kar hat dûrxistin, têkoşîna xwe ya hiqûqî ya ji bo wergirtina îkramiyeya malnişîniyê winda kir. Şahîn ji ber ku nikaribû 24 hezar lîre heqê dosyeyê û heqê parêzeriyê bide ket ber îcrayê.
Hevserokên DBP û DEM Partiyê yên Êlihê bertek nîşanî êrişên li ser Bakur û Rojhilatê Sûriyeyê dan û bang li hikûmetê kirin ku "bi kurdan re li ser maseyê rûnên, ne bi çeteyan re."
Parlamentera DEM Partiyê Meral Daniş Beştaş di têkildarî butçeya Wezareta Parastinê axivî û got, "Erdnîgarî diguhere, nexşe ji nû ve tên xêzkirin, lê hûn bombekirina Rojava didomînin."
Li gorî rapora rêxistinên parastina mafan, li girtîgehên bakurê Kurdistanê lêgerîna tazî tê ferzkirin, cezayên disiplînê yên keyfî tên dayin û tehliyeyên girtiyan bi keyfî tên taloqkirin. Hat gotin ku tevî rapora “nikare di girtîgehê de bimîne” jî girtiyên nexweş nayên berdan.
MATUHAYDER'ê destnîşan kir ku di çarçoveya kampanyaya bi dirûşma "Şandina pereyan ji girtiyan re ne sûc e" dane destpêkirin û dê bi şandina pereyan ji girtiyan re hevgirtinê zêde bikin.
Ji parêzerên Buroya Hiqûqê ya Sedsalê Raziye Ozturk di panela Baroya Rihayê de axivî û got ku tecrîda ji hêla Devlet Bahçelî ve hatiye qebûlkirin hêj didome.
Hevberdevka Komîsyona Hiqûq û Mafên Mirovan a DEM Partiyê Sevda Çelîk Ozbîngol diyar kir ku di nava salê de 3 hezar û 128 DEM Partiyî hatine binçavkirin, ji van 409 jê hatine girtin û di çalakiyan de 173 kes hatine girtin.
Li Amedê têkildarî êrişên ser Bakur û Rojhilatê Sûriyeyê daxuyanî hate dayin û ev bang hate kirin: “Em berxwedanê mezin bikin, xwedî li modêla jiyana demokratîk û azad derkevin.”
Di serdegirtinên malan ên li Wanê de Serokê Konseya Bajar a Şaredariya Bajarê Mezin a Wanê Fîkret Dogan û 2 kesên din hatin binçavkirin.
Hevserokên Giştî yên DEM Partiyê Tulay Hatîmogûllari û Tuncer Bakirhan bi nûnerên dîplomasiyê yên 31 welatan re hatin gel hev. Di hevdîtinê de rola Abdullah Ocalan a di çareseriya pirsgirêka kurd de û mijara tecrîdê hate axaftin.
Hunermend Pinar Aydinlar bi hinceta gotina “Ne Tuncelî, ji bo me Dêrsim e” hate binçavkirin.
Malbat û wasiyê Rêberê PKK’ê Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.