Hevberdevkên Partiya Çepên Kesk a Amedê û Hevserokên HDP’a Amedê bertek nîşanî binçavkirin û girtinan dan û gotin: “Wê ev operasyon têra xilas bûna wan neke. Çi dikin bila bikin wê bi ser nekevin. Em ê di 14’ê Gulanê de hesabê vê yekê bipirsin.”
Tifaqa Ked û Azadiyê wê di hilbijartinên Serokkomariyê de piştgiriya Kemal Kiliçdaroglû bike.
Malbata Şenyaşar a Nobeta xwe ya Edaletê didomîne bal kişand ser axaftina Wezaretê Dadê Bekîr Bozdag û ev peyam parve kir: “Gel baş dizane ku kesên eniya wan li cilnimêjê dikevin ketina nav çi karên qirêj. Cilnimêj û secde eniyên qirêj paqij nakin!”
Parlamentera HDP’ê ya Semra Guzel ya girtî tê darizandin diyar kir ku ya ku tê darizandinê rastiya gelê kurd e û di danişînê de biryara berdewamya girtina wê hat dayîn.
Dozgerê derbarê rojnamevan Ferhat Çelîk û Îdrîs Yayla yên ji ber nûçeyên li ser welatiyên li navçeya Şaxê ji helîkopterê hatin avêtin, tên darizandin de mutalaaya xwe pêşkeş kir xwest rojnamevan bên cezakirin.
Rojnamevan Îrfan Aktan diyar kir ku sansura li ser çapemeniyê her tim ji Amedê dest pê dike û belav dibe û bêdengiya muxalefetê jî rexne kir û got: “Beriya hilbijartinê dixwazin li Kurdistanê atmosferek tarî biafirînin.”
4 jê parêzer ji 128 kesên li Amedê hatin binçavkirin, 14 kes sewqî edliyeyê hatin kirin.
Partiya Çepên Kesk li gundê Navberoj ê navçeya Rûbarok a Colemêrgê ya li ser xeta sînorê Herêma Kurdistana Federe ji aliyê bi sedan ciwan û jinan ve hate pêşwazî kirin.
Hejmara kesên ku di çarçoveya lêpirsîna Serdozgeriya Komarê ya Amedê de hatin girtin, derket 28'an, 31 kes jî hatin berdan.
Şanoya Bajêr a Amedê ku lîstikvanên wê hatin berdan wiha got: “Hevalên me yên lîstikvan tev hatin berdan. Îro û sibê lîstika me heye. Em li benda we ne!”
Akademîsyen Atîlla Guney diyar kir ku ji roja roj ve sicîla Tirkiyeyê di warê azadiya çapemeniyê de nepaqij e û got: “Kî çi dibêje bila bibêje, li vî welatî rastiya rojnamevaniya kurdî heye. Lewma tundî û zext jî li serê heye.”
Li navçeya Samandagê bi pileya 4.2 li Mereşê jî bi pileya 3.6 erdhej çêbû.
Malbatên Rêberê PKK’ê Abdullah Ocalan, Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Namzetê parlamenteriyê yê Partiya Çepên Kesk ê Rihayê parêzer Bulent Aşa îşaretî Wezîrê Dadê ku li Rihayê bûyê namzet kir û got: “Wezîrê Dadê serokê HSK’ê ye. Amirê rêveberiya dadgeran e. Baş e gelo dê edaleta hilbijartinê çawa temîn bikin?”
Ji Maseya Koordînasyon û Ewlehiya Hilbijartinê ya Baroya Îzmîrê Gamze Şîmşek anî ziman ku ew ji bo ewlehiya hilbijartinê amade ne û got ku roja hilbijartinê dê serê her dibistanê parêzerekî peywirdar bikin û li her derê bajêr bin.