Namzedê Parlamenteriyê yê Partiya Çepên Kesk ê Semsûrê Alî Kenanoglu ku çû gundê Elîfiyê yê kurdên elewî, diyar kir ku welatiyên ku malên wan di erdhejê de xera bûne di konan de ne û pêwîstiya wan bi tuwaletê heye û got ku divê pirsgirêk rojek berî rojekê bên çareserkirin.
Partiya Çepên Kesk k udi çarçoveya xebatên hilbijartinê de bi jinan re civiya got: “Jin, dê AKP’ê bikin partiya tabelayê.”
Hevberdevka Partiya Çepên Kesk Çîgdem Kiliçgun Ûçar ji bo gotinên Suleyman Soylû ku ji bo hilbijartinên 14'ê Gulanê gotibû "darbe ye", got: "14'ê Gulanê ne darbe ye, bihar e. Bihara jinan û kedkaran e. Em ê biharê bînin."
AKP’iyên ku li gundên Erziromê tevî cerdevanan xebatên hilbijartinê dimeşandin, rastî berteka gel hatin û bi gotinên; “Hûn her roj ji me re dibêjin ‘terorîst.’Hûn bi kîjan rûyî tên vê derê” ji gund hatin qewirandin.
Partiya Çepên Kesk di çarçoveya xebatên hilbijartinê de li Mûş, Qers, Amed û Colemêrgê çû serdana gel. Namzetên parlamenteriyê bi coşeke mezin hatin pêşwazîkirin û peyamên têkbirina îktîdara AKP-MHP’ê hatin dayîn.
Hevserokê Gişî yê HDP’ê yê berê Selahattîn Demîrtaş bersiva gotinên Ahmet Şik da û got: “Dema tu HDP’ê ji Selahattîn cuda bikî ji Selahattîn tiştek namîne.”
PENa Kurd bi daxuyaniyekê bertek nîşanî girtin û binçavkirina rojnamegeran da û wiha got: “Naxwazin rastiyên wan ên qirêjî derkevin holê lewma rojnamegeran hedef digirin û karên wan krîmînalîze dikin. Lê çi bikin jî dê nekarin Çapemeniya Azad bêdeng bikin.”
Hevserokê Giştî ye HDP’ê Mîthat Sancar li Rihayê ku bûye nazmet, serdana karker û dikandaran kir û bi nûnerên xelkê ereb re civiya.
Înîsiyatîfa ji Girtiyên Nexweş re Azadî xwest binpêkirina mafê tenduristiya girtiya nexweş Neslîhan Çetîn bê bidawîkirin.
Basin-Îşê bertek nîşanî binçavkirin û girtina rojnamevanan da û got: “Binçavkirin û girtina rojnamevanan rasterast destwerdana ewlehiya hilbijartinê û hilbijartinê ye.”
Bi girseyî serdana şîna endamê HPG’ê Mehmet Karahan ê li Dêrsimê jiyana xwe ji dest dabû hate kirin.
Xizmên windakiriyan di çalakiya “Bila windakirî bên dîtin, faîlên wan bên darizandin” ên li Amed, Êlih û Îzmîrê de faîlên Cemal Kavak ê hatibû qetilkirin, Kadrî Yilmaz ê di bin çavan de hatiye windakirin û ermenên windakirî pirsîn.
Hiqûqnasan, ji bo hilbijartinên 14’ê Gulanê yên giştî û serokkomariyê perwerdehiya ewlehiya sindoqan dan parêzeran.
Di çalakiya “Rûniştina F” a ji bo girtiyên nexweş de nameya Gulistan Abdo hat xwendin û hat diyarkirin ku 28 sal in ew nexweş e û nikare di girtîgehê de bimîne.