MÊRDÎN – Li Nisêbînê li Cadeya Sakaryayê polîsan avêt ser malekê. Tê gotin ku di avêtina ser malê de dengê çekan hatiye û kesek jiyana xwe ji dest daye. 

 

Li Cadeya Sakarya ya taxa Selahadîn Eyubî ya navçeya Nisêbîn a Mêrdînê polîsan avêt ser malekê. Di dema avêtina ser malê de dengê çekan hat û paşê teqînek çêbû. 

 

Tê gotin ku di pevçûnê de kesekî navê wî nehat hînkirin û HPG'î ye, jiyana xwe ji dest daye. Li gor agahiyên bi dest ketin, kesek jî bi birîndarî hatiye binçavkirin. Piştî bûyerê kolan ji çûnhatinê re hat girtin. 

 

Li taxê dorpêça polîsan didome û polîs davêjin ser gelek malan.