Navenda Belgekirina Binpêkirinan a Bakur û Rojhilatê Sûriyeyê (Vdc-Nsy) têkildarî binpêkirinên dewleta tirk û komên paramîlîter ên girêdayî wê yên di meha hezîranê de li bajarên Girê Spî û Serêkaniyê parve kir. 

 

Li gorî raporê binpêkirin wiha ne: 

 

"* Di encama bombebaranê de 2 kesan jiyana xwe ji dest dan. 

 

* 33 kes hatin girtin û 17 kes hatin îşkencekirin. 

 

* 19 kes hatin revandin. 

 

* 5 mayin teqiyan.” 

 

Di raporê de her wiha hat destnîşankirin ku di encama îşkence û gulebaranan de yek jê zarok bi giştî 4 kes birîndar bûn, di encama êrişên bejahî û hewayî yên li dijî gundan de 2 kesan jiyana xwe ji dest dan. 

 

Her wiha di raporê de hat diyarkirin ku di navbera komên paramîlîter de 9 caran pevçûn derket û ji roja destpêkê ya êrişan heta niha jî 375 hezar kes ji cih û warên xwe bûne.