Îro salvegera 8’emîn a Komkujiya Roboskî ye ku 19 jê zarok 34 welatiyan di bombebarana balafirên şer ên tirk de jiyana xwe ji dest dabûn e. 

 

Malbat û xizmên qurbaniyên Roboskî bi salane dest ji têkoşîna xwe ya edaletê bernedane û îro carek din reş li xwe girêdan û ji bo bîranîna qûrbaniyan çûn Goristana Roboskî ye û li hev kom bûn.  

 

EDALETÊ TÎNIN ZIMAN 

 

Tevî hewa sar û barîna berfê jî Roboskiyan wêneyên xizmên xwe hildan û ji nav gund heta goristanê meşiyan. Wek her sal bîranîna îsal jî reş hat girêdan. Li ser goristanê rengê êş û awirên hêrsê xwe nîşan dide. Hin welatiyan nerazîbûn nîşanî nedîtina kujeran da û carek din daxwaza xwe ya edaletê tînin ziman.

 

Dayik û xizmên qûrbaniyan ku xemgîn in çîrokên zarokên xwe vedibêjin. 

 

Beriya bîranînê bi sedan esker jî li gund hatin bicih kirin û di têketin û derketina gund de tên sekinandin. 

 

GELEK SAZÎ BEŞDAR DIBIN 

 

Bernameya bîranê dê bi beşdariya Hevseroka KCD’ê Leyla Guven, Hevserokên Giştî yên DBP’ê Salîha Aydenîz û Keskîn Bayindir, Hevserokê Giştî yê HDP’ê Sezaî Temellî, Hevberdevka HDK’ê Gulistan Kiliç Koçyîgît, parlamenterên HDP’ê û nûnerên rêxistinên civakî yên sivîl dê pêk were.