STENBOL - Parlamentera DSP'ê ya berê Gonul Saray, diyar kir ku piştî îktîdara AKP'ê Tirkiye ji siyaseta demokratîk dûr ketiye û wiha got: "Dema ku em hêza jinê rakin ser piyan, dê Tirkiye û Rojhilata Navîn destkeftiyên mezin bi dest bixe. Ji bo vê yekê barê mezin dikeve ser milê HDP’ê. Divê CHP ezberê xera bike."
Parlamentera Partiya Çep ya Demokratik (DSP) ya Amasyayê Gonul Saray, bal kişand ser siyaseta Tirkiye û rewşa jinê ya di nava siyasetê de. Saray, diyar kir ku piştî îktîdara AKP'ê hat ser kar û şûnde Tirkiye ji siyaseta demokratîk dûr ket û wiha got: "Ewropa jî ji vê rewşê ne bêzar e. Yekîtiya Ewropa di gelek mijaran de zextan li Tirkiyeyê dike. Lê di milê rewşa partiyên siyasî û hilbijartinê de tiştekî nake. Di serdema AKP'ê de siyaseta li dijî mafê jinê hişk bû. Êdî naxwazin vina jin û ciwanan derkeve pêş. Sûriyeyek rast polîtîkayên navxweyî û Rojhilata Navîn dixe bin bandora xwe. AKP, bi reçeteyên Ewropa hat ser îktidarê. Li Tirkiyeyê siyaseta jinê bi hatina HDP'ê li Meclîsê zêde bû. Jin bi HDP'ê di meclîsê de hatin xuyakirin." Saray wiha domand: “Ger ku îro ji sedî 14 populasyona jinê hebe ew jî bi hêza siyaseta HDP’ê ye. Divê her kes vê yekê bibîne. Divê mijara jinê di ser partiyan re bê girtin. Qumarbazê navdar Bernard Lewis, diyar dike ku 4 hêzên mezin dê pêşeroja Rojhilata Navîn diyar bikin. Dibêje 3 heb ji vana Sûriye, Îran û Tirkiye ye. Hêza çaremîn heye. Ew jî hêj ranebûye ser piyan. Hêza ku Rojhilata Navîn û Cîhanê rake ser piyan hêza jina rêxistinkirî ye. Divê em vê hêza jinê rakin ser piyan. Ger ku hêza jinê rabe ser piyan dê li Tirkiye û Rojhilata Navîn hêzek mezin bi ser bikeve. Di vir de barekî mezin dikeve ser milê HDP’ê. Divê CHP jî ezbere xwe xera bike. Tevlîbûna jinê ya siyasetê dê welat pêş bixe û mezin bike. Ger ku tevlêbûna jinê ya siyasetê ji sedî 50 zêde bibe dê di milê aborî, demokrasî û qaden din de pêşketinên mezin pêk bên."
MA / Elif Çetîner