Hevserokên Giştî yên Partiya Demokraktîk a Gelan (HDP) Pervîn Bûldan û Sezaî Temellî, derbarê operasyonên binçavkirin û girtinên kesên êrîşên li dijî Bakur û Rojhilatê Sûriyeyê rexne dikin de daxuyaniyek nivîskî weşand. 

 

Hevserokan di daxuyaniyê de bertek nîşanî binçavkirin û girtinên siyasetmedarên kurd dan û wiha gotin: “Operasyona desthilatdariyê ya li dijî qada siyasî û siyaseta Kurd veguheriye operasyona nêçîra pîrebokan. Hemû kesên ku li dijî şer û dagirkeriyê derdikevin û aştiyê dixwazin di hedefa desthilatdariyê dene. Ji 9’ê Cotmehê ve bi sedan kesên li dijî şer derketin hatin binçavkirin û girtin. Hevşaredarên me, navenda me ya krîzê û alîgirên dixwazin alîkariya mexdurên şer bikin di hedefa van êrîşan dene.”

 

LI DIJÎ KURDAN ÊRÎŞEKE

 

Di dewama daxuyaniyê de wiha hat got: “Partiyên tifaqê yên daxwazên gelê  kurd tînin ziman û meşrû dibînin di hedefê dene. Serokê Giştî yê Partiya Komunîst a Kurdistanê Birêz Sînan Çîftyurek serê vê sibê hat binçavkirin. Neqilkirina gurçikan kiribû û dihat derman kirin. Sînan Çîftyurek 67 saliye û li mala xwe rastî kîn û rika desthilatdariyê hat. Di serî de Sînan Çîftyurek divê hemû kesên daxwaza aştî û demokrasiyê dikin ên hatin girtin û binçavkirin demildest bên berdan. 

 

DAXWAZA AŞTIYÊ WÊ NEYÊ BENDENG KIRIN 

 

Daxwaza aştiyê, daxwaza maf û azadiya wê tu carî neyin bêdeng kirin. Binçavkirin û girtin wê nekarin vîna gelê kurd bişkînin. Tiştên ku em pê bawerin, rast û mafdar dibînin emê tim biparêzin. Di vê oxirê de emê têkoşîna xwe dewam bikin.”