RIHA – Parlamentera HDP'ê ya Rihayê Ayşe Surucu, diyar kir ku Tirkiye, bi êrîşên li dijî Bakur û Rojhilatê Sûriyeyê cîhan û DAIŞ dîsa anîn hemberî hev û xwest êdî cemaweriya cîhanê li dijî vê yekê gavên şênber bavêjin. Surucu, destnîşan kir ku bertekên cemaweriya cîhanê ya li dijî vê rewşê lawaz e û xwest gavên şênber bavêjin." Surucu anî ziman ku navê navê şer kirine 'Kaniya Aştiyê' û wiha got: "Navê şer kirin Kaniya Aştiyê. Lê ji kaniya Aştiyê xwîn diherike."
Êrîşa Tirkiyeyê ya li ser axa Bakur û Rojhilatê Sûriyeyê di 9'ê Cotmehê de bi tang, top û balafirên şer dest pê kir, di roja 8'an de berdewam dike. Bertek û nerazibûnên gel û nûnerên rêxistinên civakî yên li dijî şer û êrişan her ku diçe zêde dibe. Piştî Fêrîşên TSK'ê û komên girêdayî wê dest pê kirin, li Navçeyên Serêkaniyê, Kaniya Xezalan û Pirsûs bûn qada şer. Parlamentera Partiya Demokratîk a Gelan (HDP) ya Rihayê Ayşe Surucu, bal kişand bertekên cîhanê yên li dijî Tirkiyeyê û wiha got: "Li hemberî vî şerê li herêmê pêş dikeve bertekên cemaweriya pir kêm in.
'ŞEREKÎ QIRÊJ TÊ MEŞANDIN'
Surucu, anî ziman ku ew bi pergalek faşîst re rû bi rû mane û wiha got: "Pergala AKP'ê dest davêjin destkeftiyên Kurdan. Bi zextan dixwazin pergala demokratîk û siyaseta demokatîk tune bikin. Li aliyekî binçavkirin û girtina siyasetmedarên kurdan didome, li aliyê din qeyum tayînî şaredariyên Kurdan dikin. Vîna gel xesp dikin. Ev têra wan nake niha êrîşî Rojava dikin. Ev şer, şerê li dijî gelê Kurd e. Îro hemû cîhan statuya Rojava nas dike û dizane. Gelê Rovaja li dijî DAIŞ'ê şer kir. DAIŞ tune kir. Jiyanek nû ava kirin. Lê Tirkiye ev jiyana nû hezm nekir. Armanca Tirkiyeyê ewe ku demokrafiya vê erdnîgariyê xera bike. Dixwazin Kurdan koçber bikin û li şûna wan komên selefî bi cih bikin. Me ev yek li Kobanê û Şengalê dît. Xwestin wisa bikin. Lê bi ser neketin. Lê Kurd wê li Rojhilata navîn bibin mifteya aştî û çareseriyê."
'NAVÊ ŞER KIRIN KANIYA AŞTIYÊ'
Surucu, anî ziman ku heta niha ji aliyê Rojava ve kevirek li aliyê Tirkiyeyê neketiye û wiha lê zêde kir: "Gelê Rojava di pêşengiya Kurdan de rêveberiyek ava kirin. Tirkiye li dijî vê yekê navê şer kir "Kaniya Aştiyê'
Lê ji vê kaniyê xwîn diherike. Sivîl tên qetilkirin. Li ser gelê herêmê bombe dibarin. Di şerê 8 rojan de sivîl û rojnaemger hatin kuştin. Ka wê sivîl biparastina. Gelê Rojava wê ji cîhanê re bibe model û jiyanek nû ava bikin. Gelê Kurd, Turkmen, Êzidî û Ereb wê bi nasnameya xwe û zimanê xwe bijîn. Ev modela jiyana nû ye. Jinan pêşengiya vê şoreşê kir. Hikûmeta faşîst a AKP'ê wekî dijminê jinê ye. Hebûna jinê qebûl nake. Pergala hevserokatî û hevşaredariyê qebûl nake."
PÊŞIYA KOMKUJIYÊN NÛ LI CÎHANÊ VEKIRIN
Surucu, bal kişand ser talûkeya DAIŞ'e û wiha bi dawî kir: "Tirkiye bi şerê li dijî Bakur û Rojhilatê Sûriyeyê rê li pêş DAIŞ'ê vekir. Rê lipêş komkujiyên nû yên cîhanê vekir. Bi êrîşên Tirkiyeyê nêzî 800 çeteyên DAIŞ'ê reviyan. Bila bê bîrawe li Pirsûs, Dîlok, ENqere û gelek cihên din komkujî kiribûn. Divê cemaweriya cîhanê gavên şênber bavêje. Emê li dijî vî şerê qirêj têkoşîna aştiyê berdewam bikin."