Binçavkirin û girtinên ji ber parvekirinên li ser medya civakî yên têkidlarî êrîşa Tirkiyeyê ya li dijî Bakur û Rojhilatê Sûriyeyê didomin. Duh di serdegirtina malan de 4 kes li Amedê hatibûn binçavkiribûn. Her çar jî piştî dayîna îfadeya xwe ya li emniyetê sewqî edliyeyê hatibûn kirin û bi şertê kontrola edlî hatibûn berdan. Bavê Berîvan Abîş a hatibû binçavkirin Cengîz Abîş diyar kir ku ji aliyê polisan ve hatiye derpkirin. 

 

LI ERDÊ DIRÊJ KIRIN Û DERP KIRIN

 

Cengîz Abîş têkildarî mijarê ji Ajansa Mezopotamyayê (MA) re axivî û ev tişt got: "Ji ber ku mala me neditibûn polis çûbûn mala cîranê me keça min pirsîbûn û piştî vê yekê hatibûn mala me. Polisan derî şikandin û ketin mala me. Min bertek nîşanî wan da û got ku hûn çidikin li malê zarok û mêvan hene. Ji ber vê yekê polisan min li erdê dirêj kirin pêl pişta min a êşandî kirin û bi pihînan li man dan. Dema ku pihînan li min didan polisek çekê xist serê min û ji min re got ku ez berdim ez berdim. 

 

'DU SAETAN EZIYET KIRIN'

 

Abîş di berdewamê de diyar kir ku polisan demeke dirêj li malê lêgerîn kirine û wiha got: "Derdora saet 04.00'an hatin û di 06.00'ân de ji mal derketin. Me nizanibû ji ber çi hatine. Em şaş man. Derî şikandin û ketin hundir û di ser de heqerat jî kirin. 2 saetan eziyeta dan me. Heta saetekî nehiştin ez ji erdê rabim û pantolonê xwe li xwe bikim."

 

'EV NEHEQÎ YE'

 

Abîş herî dawî got ku serdegirtina malan a ji ber pavekirinên medya civakî neheqî ye û dirêjkirina li erdê neyartî ye.