AMED - Di operasyona li Amedê pêk hat de, Hevserokê Rêxistina HDP’ê ya Peyasê jî di nav de, 3 kes hatin binçavkirin.
Li navçeya Peyas a Amedê, polîsan duh bi şev bi ser hin malan de girtin. Polîsan di heman demê de bi ser mala Hevserokê Rêxistina Partiya Demokratîk a Gelan (HDP) ya Navçeya Peyasê Kadrî Akkaya de jî girtin.
Polîsan piştî lêgerîna malê Akkaya binçav kirin. Polîsên ku bi ser malên welatiyên bi navê Şenol Fîdan û Gamze Gulan de jî girtin, ew binçav kirin. 3 kesên nehat zanîn bi çi hincetê hatin binçavkirin, li Miduriyeta Polîsan a Bajêr tên girtin. Hat diyar kirin ku polîsan di serdegirtinên malan de, derî şikandine û di lêgerînan de jî, alavên malan belav kirin e.