MÊRSÎN – Bi Pakêta Darazê ya nû ku berpêşî meclîsê hat kirin, ji bo îadekirina pasaportên kesên bi KHK'ê hatine îxrackirin divê pêşî Wezareta Karên Navxweyî destûrê bide. Kesên bi KHK'yan hatin îxrackirin ji bo vê pêkanînê gotin: "Ji bo binpêkirina mafan ji nedîtî ve bê dîtin, a tê kirin lîstikeke biçûk e."
Belgeya Stratejiya Reforma Darazê di 2'yê Cotmehê de berpêşî meclîsê hat kirin. Di pêşnûmaya pakêtê de yek ji xalekên balê dikişîne jî xala derbarê pasaportên kesên bi KHK'yan hatine îxrackirin e.
Bi KHK'yên di dema Rewşa Awarte de pasaportên zêdetirî 130 hezar kesî hatibûn desteserkirin. Di vê sererastkirina qanûnî de jî wê kesên bi KHK'yan hatine îxrackirin lê belê derbarê wan de tu doz û lêpirsîneke îdarî û edlî tunene an jî ceza negirtibin û dozên wan hatibin redkirin wê karibin ji bo pasaportê serlêdanê bikin. Lê belê piştî serlêdanê pêk bînin, divê Wezareta Karên Navxweyî destûrê bide.
Akademîsyen Esra Erguzeloglû û Atîlla Guney ku bi KHK'yan hatibûn îxrackirin, derbarê vê sererastkirina qanûnî de axivîn.
ERGUZELOGLU: LÎSTIKEKE KU JI BO BINPÊKIRINA MAFAN XWE LI NEDÎTINÊ DATÎNE
Erguzeloglû, destnîşan kir ku di civakê de hema bêje 'mirineke sivîl' heye, lê belê tişta ji pakêtê derket sererastkirina derbarê pasaporta ye. Erguzeloglû, got: "Pasaport mafê me yê geştê ye. Hin kes hene êş û azarên ku li vî welatî kişandine û dixwazin biçin welatine din û ji bîr bikin hene. Hin kes ji bo mafê xwe yê tenduristiyê bi kar bînin dixwazinb için. Her wiha hin kesên li derveyî welat karek bi dest xistine û navê wan di KHK'yan de derketine û nikarin werin hene. Çimkî gava bên vira wê ew jî têkevin kategoriya 'mirina sivîl'."
Erguzeloglû, ji bo sererastkirina hatiye kirin got: "Lîstikeke biçûk e ku ji bo binpêkirina mafan xwe li nedîtinê datîne. Hêvîdar im partiyên din ên li meclîsê bi aqlekî selîm tev bigerin û dev ji vê sererastkirinê berdin. Divê mafê pasaportê û mafên din ên KHK'iyan bê şer tû şirût bên îadekirin."
GUNEY: NAYÊ WATEYA ÎADEKIRINA MAFÊN ME
Akademîsyen Atîlla Guney jî bilêv kir ku ew bi hikûmeteke ku qanûna bingehîn bin pê dike re rû bi rû ne û got, ev sererastkirina di warê betalkirina qedexeya derketina derve û dayîna pasaportan a kedkarên cemaweriyê yên bi KHK'yan hatine îxrackirin de sererastkirineke şolî ye. Guney, got ev pakêt nayêw ateya îadekirina mafên me.