MÊRDÎN - Parlementera HDP’ê Pero Dundar di roja 43’yemîn a Nobeta Demokrasiyê de axivî û got: “Li dijî qeyûman derketin pîvana demokrasiyê ye. Em ê tu carî dest ji mafên, pergala xwe ya hevserokatiyê û destkeftiyên xwe bernedin.”
Nobeta Demokrsiyê ya li Mêrdînê di roja 43’yan de dewam kir. Polîsan berî çalakiyê avahiya HDP’ê dorpêç kirin. HDP’iyan dibin ablûkeya polîsan de bi gotina stranan çalakiya xwe dewam kirin. Piştî nobeta ku heya demekê dewam kir, daxuyanî hat dayîn.
Parlementea HDP’ê ya Mêrdînê Pero Dundar daxuyanî da û wiha axivî: “Weke her rojê em jî rojî li dijî qeyûman li qadane. Em li dijî xespa vîn û bêhiqûqiyê derdikevin. Li vê derê êrîş li ser vîn û mafê gelê Kurd heye. Li her devera ku zilm lê hebe, emê wê derê li ser piyan bin. Heya ku ev êrîş dewam bikin, emê li qadan bin. Yên ku pêşiya van êrîşan bigirin gelê Kurd bi xwe ye.”
DESTHILATDARÎ ŞER DIXWAZE
Dundar, da zanîn ku çalakiya wan li her deverên Tirkiyeyê dewam dikin û wiha bilêv kir: “Desthilatdariya vî welatî desthilatdariyek dizeke. Heya ku ev zext û êrîş bi dawî bibin emê têkoşîna xwe dewam bikin. Em liv ê derêne. Dixwazin tola hilbijartinê ji gel bigirin. Ji ber ku ev desthilatdarî şer dixwaze, wisan dike.”
'EM Ê PAŞVE GAV NE AVÊJIN’
Dundar, di dawiya axaftina xwe de wiha ev peyam da: “Her roj van daran bombebaran dikin. Pereyê van bombeyan jî ji berîka me kedkaran xerç dikin. Yên ku em nas nakin, divê em jî wan nas nekin. Ev ne sûce, berevajî ev pîvaneke demokrasiyê ye. Berî ku dereng bikeve, qeyûmên xwe paşve bikêşin. Em ê tu carî dest ji mafên, pergala xwe ya hevserokatiyê û destkeftiyên xwe bernedin. Em îro li vê derê ne, emê sibê jî li vê derê bin.”