* Endama Rêveberiya TEV-DEM'ê Foza Al Yusuf, bal kişand ser civîna Rûsya Îran a li Enqereyê û diyar kir ku ev civîn berdewama Astanayê ye û dixwazin pergala Netew-Dewletê li Sûriye biparêzin û got: "Berdewama pergala beriya salên 2011'an ji bo gelê Sûriye întîxar e." Yusuf, ziyareta Serokomar Erdogan a DYA jî nirxand û diyar kir ku xuya dibe Erdogan tişta dixwest li DYA bi dest nexistiye. Yusuf, hewldanên herêmê yên dîplomasiyê jî bibîrxist û wiha axivî: "Hewldanên me yên dîplomasiyê didomin. Lê 100 salin li ser gelê Kurd ambargoya dîplomasî heye û em hewl didin ku vê ambargoyê bişkînin."  

 

* Koçerên ku di biharê de berê xwe dabûn Zozana Berçelanê ya Colemêrgê, piştî hewa sar bû niha hêdî hêdî berê xwe didin Botanê. Ev rêwîtiya zor û zehmet a koçeran 40 rojî didome. 

 

* Parêzer Muzeyyen Nergîz, bilêv kir ku sedema sereke ya şideta li jinê tê kirin ew e ku wekî meseleyek nav malî û wekî meseleyeke divê di nav malê de bê çareserkirin tê xwendin û got, ji ber li dijî şidetê polîtîkayeke berfireh tuneye jin nayên parastin. 

 

* Li Erdîşê, rezên tirî yên xwedî dîrokeke 3 hezar salî ne, li cîhanê di nav nebatên endemîk de cih digirin. Ev rezên tirî ku tenê li gundê Aksrafê ne, niha ji ber bêxwedîtî û bêavîtiyê hindik mane hişk bibin. 

 

* MEB'ê "Wekheviya Zayendî ya Civakiyî" ji nav qada çalakiyên civakiyî û xebatên rehberiyê derxistibûn. Seroka Şaxa Egîtîm Sen a Jimare 5'an a Îzmîrê Şenay Akyol, diyar kir ku wan ji ber vê doz li MEB'ê vekiriye û got: "Divê wekheviya zayendî ya civakiyî li dibistanan dersa mecbûrî be." 

 

* Li gundê Ambarê ku jîngeheke 10 hezar sal berê derketibû holê, xebatên ji bo kolandinê bêhis û pis tên kirin û piştî Bendava Ambarê av bigire wê ev jîngeha dîrokî jî wekî Heskîfê di bin avê de bimîne. 

 

* Di navbera 1993-1994'an de li Dêrikê 13 gundî hatibûn kuştin û ji ber vê doz li Cîgirê Fermandariya Giştî ya Cendirmeyan Mûsa Çîtîl hatibû vekirin. Dadgehê derbarê Çîtîl de biryara beraatê dabû. Piştî vê parêzeran îtiraz kiribû, lê belê Dadgeha Qanûna Bingehîn (AYM) serlêdana parêzeran qebûl nekir û got, mafê jiyanê nehatiye binpêkirin. 

 

* Meclîsa Şaredariya Silopiyayê, ji bo biryara derbarê mal û milkên şaredariyê yên di dema qeyûm de hatibûn dewrkirin de bê betalkirin biryar girtibû, lê belê biryar meclîsê nehat qebûlkirin. Rektoriya Zanîngeha Şirnexê, ji bo tahsîskirina neguhêzbaran gef li şaredariyê xwarin. 

 

* Derket holê ku Merve Akkûş Aydin ku di dema qeyûm de li şaredariyê hat bicihkirin, zêdetirî salekê neçûye şaredariyê lê belê her meh meaşê xwe digire. Merve Akkûş Aydin, hevjîna Ahmet Aydin û Ahmet Aydin jî muşawirê çapemeniyê yê Wezîrê Karên Navxweyî Suleyman Soylû ye. 

 

*Walîtiya Wanê, bi hincetên cuda konserên li bajêr bên lidarxistin yek bi yek qedexe dike. Hûnermend Kadir Çat ê ku li navçeya Seray wê konser bidaya û konsera wî hat betalkirin, bertek nîşan da û got: “Hunera muxalîf û rexne dike wê bêdeng nemîn e. Em ê pira dinavbera gelan de hatiye avakirin nedin hilweşandin.”

 

* Li Wargeha Xwendekarên Keç a Mêrdînê rêgeza “tevgerkirina bi namûs” li ser xwendekaran ferz kirin. Derket holê ku piştî wargehê dewrî Weqfa Diyaneta Tirkiyeyê kirine ev lêferzkirin hatiye destpêkirin. 

 

* Dayikên Şemiyê û xizmên windayan bi boneya winda bên ditin  kujer bên darizandin wê li Qada Galatasarayê di hefteya 756'ande dîsa kom bibin û bixwastin kujer bên darizandin û winda bên dîtin (12.00) 

 

* Komîsyona girtîgehan a Şaxa ÎHD'ê ya Stenbolê ji bo girtiyên nexweş bên berdan û dermankirin wê çalakiya xwe ya "Rûniştina F" li Qada Galatasarayê berdewam bikin (12,00) 

 

* Xizmên windayan û parazvanên mafên mirovan wê li Şaxên ÎHD'ê yên Amed û Êlihê ji bo winda bên dîtin û kujer bên darizandin çalakiya xwe ya rûniştinê berdewam bikin (12.00) 

 

* Xizmên girtiyên nexweş û parazvanên mafên mirovan ên Îzmirê ji bo girtiyên nexweş bên berdan wê li Konak a Îzmirê daxuyaniyê bidin çapemeniyê (13.00) 

 

* Înîsiyatifa Ji Girtiyên Nexweş Re Azadî ya Enqereyê ji bo balê bikişînin ser rewşa girtiyên nexweş wê li pêş avahiya ÎHD'ê ya Enqereyê daxuyaniyê bidin çapemeniyê (13.00) 

 

* Rêxistina Partiya Demokratîk a Gelan (HDP), bi boneya tayînkirina qeyûman şermezar bike wê li Wan, Mêrdîn û Amedê çalakiya Nobeta Demokrasiyê berdewam bike (13.00)