NAVENDA NÛÇEYAN - Karsaz Reza Zarrab ku li DYA'yê hatibû girtin û tê darizandin li xwe mikur hat û qebûl kir ku şahidiya her tiştî bike. Zerrab di danişîna doza  Cîgirê Midûrê Halk Bank'ê Mehmet Hakan Atilla de got min bertîl daye. 

 

Karsazê Îranî ku welatiyê Tirkiye ye Reza Zerrab yê li DYA hat girtin û niha tê darizandin wekî şahid derket pêşberî dadgehê. Zarrab, di danişîna Cîgirê Midûrê Halkbankê  Mehmet Hakan Atilla de wekî şahid derket pêşberî dadger. Li bendê ye ku herî kêm 2 rojan îfadeya Zarrab berdewam bike. Zarrab di îfadeya xwe de bi bûyerên sala 2016'an yên Grava Eyaleta Florida  dest pê kir. Rojnamegerên Emerîkî yên dozê dişopînin, îfadeyên Zarrab li ser hesabê Twitterê bi raya giştî re parve kirin. Ji rojnamegerên dozê dişopînin Pete Brush, diyar kir ku Zarrab gotiye "Min nizabîbû ez bi çire rû bi rû me. Piştî rêwîtiyek dûr û dirêj ez niha di şokê de me. Min nekarîbû bersîvê rast bidim. Ez ditirsiyam." 

 

Rojnameger Brush, da zanîn ku Zarrab gotiye "Rêya herî bi lez qebûlkirina berpirsiyariya hevkariyê û derketina ji girtîgehê bû." 

Brûsh da zanîn ku Zarrab diyar kiriye ku hevkariya bi dozger re girêdayî 3 şertan e û gotiye  

 

* Bi tevahî vegotina rastiyan. 

 

*Hevsariya bi dozger re 

 

* Ji niha û şûnde qebûlkirina ku qet tev li sûc nebe." 

 

Zarrab, ku girtina di otelê de red kir da zanîn ku ew hêj girtî ye. 

 

'MIN BERTÎL DA' 

 

Zarrab di îfadeya xwe de diyar kir ku dema girtî bû bertîl daye memûrekî girtîgehê û got "Ji bo ku memûr alkolê ji min re bîne û ez karibim telefonê bixebitînim min bertîl da." 

 

Zarrab, ji bo Atilla jî got: "Di bankayê de têkildarî rêbazênk razemenî û pêkanînan kesê herî zane ye. Karê ku me kir ji bo wekî yê Emerîka be, piştgirî da me."